ரத்த தானம் தொடங்கி வைத்த அமைச்சர்:

பள்ளியில் ரத்த தான முகாமை தொடங்கி வைத்த அமைச்சர்:

மதுரை

மதுரை பாலமந்திர் மேல்நிலைப்பள்ளியில் மாண்புமிகு கூட்டுறவுத்துறை அமைச்சர்
.செல்லூர்.கே.ராஜு
மாவட்ட ஆட்சித்தலைவர் மரு.டி.ஜி.வினய்
தலைமையில் இன்று(01.08.2020) மதுரை ஆர்.ஜெ.தமிழ்மணி சாரிடபிள் அன் எஜூகேஷனல் ட்ரஸ்ட் மற்றும் மதுரை ரோட்டரி கிளப் இணைந்து நடத்தும் இரத்த தான முகாமை தொடங்கி வைத்து பேசும்போது தெரிவிக்கையில்:

நீரின்றி அமையாது உலகு என்கிறது திருக்குறள். அதுபோல ரத்தமின்றி செயல்படாது உடல் என்பது மருத்துவம். அந்த ரத்தத்தை தானமாக வழங்க வந்துள்ள தன்னலம் கருதாது பிறர் நலன் காக்கும் கடவுளாக வந்திருக்கும் உங்களை தலைவணங்கி வரவேற்கிறேன். இந்த உதவியினால் பிறர் நலன் காப்பதோடு மட்டுமின்றி தன்நலம் மேம்படுத்துவதுடன்ää உதவிய சந்தோஷம் மற்றும் திருப்தி ஏற்படுகிறது. இதனால் பாதிப்போ அல்லது பலவீனமோ ஏற்படுவதில்லை. 10 லிருந்து 21 நாட்களுக்குள் மீண்டும் ரத்தம் உற்பத்தி ஆகிவிடுகிறது.
நமது உடலில் 5லிருந்து 6 லிட்டர் இரத்தம் உள்ளது.
ஆனால்,
350 மில்லி இரத்தம் வரை தானம் செய்யலாம். இதனை 3 பேருக்கு வழங்கி
உயிர்காக்க உதவும். ஆண்கள் 3 மாதங்களுக்கு ஒரு முறையும்
பெண்கள் 4 மாதங்களுக்கு ஒரு முறையும் ரத்ததானம் செய்யலாம். 18 லிருந்து 60 வயதுடையவர்கள் 45 கிலோக்கு குறையாமல் எடை இருக்கவேண்டும். ஹீமோகுளோபின் 12 லிருந்து 16 கிராமுக்குள் இருக்கவேண்டும். உடல் வெப்பநிலை 37.5 டிகிரி செல்சியஸ்க்கு மிகாமல் இருக்கவேண்டும். தொற்றுநோய் உள்ளவர்களும்,
மது அருந்துதல்,
புகைபிடித்தல் ஆகிய பழக்கம் உடையவர்களும்
ஏதேனும் தடுப்பு ஊசி போட்டு 4 மாதங்களுக்குள் உள்ளவர்களும் ரத்த தானம் செய்யக்கூடாது.
ரத்த தானம் செய்பவர்களுக்கு ஹார்ட் அட்டாக் வருவது குறைவு. புற்றுநோய் அண்டாமல் காக்கப்படுகிறது. கொலஸ்ட்ரால் குறைந்து
இரத்த அழுத்தம் சீராக இருக்கும். அரசு சார்பில் ஆண்டு ஒன்றுக்கு 350 ரத்த தான முகாம்கள் நடத்தப்படுகிறது.
ஒவ்வொரு நாளும் 38
000க்கும் மேல் ரத்தகொடையாளிகள் தேவைப்படுகிறது. ஒவ்வொரு ஆண்டும் இந்தியாவின் மொத்த தேவை சுமார் 4 கோடி யூனிட். ஆனால், கிடைப்பதோ வெறும் 40 இலட்சம் யூனிட்டுகள் மட்டுமே. ஒவ்வொரு ஆண்டும் உலக ‘இரத்ததான தினம்” ஜூலை 14-ம் தேதி கொண்டாடப்படுகிறது. 1967-ல் புரட்சித்தலைவர் சுடப்பட்டார். அப்போது
பாமர மக்கள் தொடங்கி படித்த பணக்காரர்கள் வரை ரத்த தானம் வழங்கி
பலதரப்பட்ட மக்களின் ரத்தம் எம்.ஜி.ஆர். அவர்களுக்கு ஏற்றப்பட்டது. அதனை நினைவு கூறும் வகையில் கட்சிக்காரர்களை என் ரத்தத்தின் ரத்தமான உடன்பிறப்புகளே என தலைவர் கடைசி வரை கூறி வந்தார்.
அந்த ரத்த வார்த்தை கேட்டாலே எங்களுக்கு உடம்பெல்லாம் புல்லரிக்கும். அப்படிப்பட்ட ரத்த தொடர்பான நிகழ்ச்சிகளில் நீங்கள் எல்லாம் பங்கேற்றதற்கு எனது மனமார்ந்த நன்றியை தெரிவித்துக்கொள்கிறேன் என தெரிவித்தார்.
இந்த நிகழ்வின்போது ,ஆர்.ஜெ.தமிழ்மணி சாரிடபிள் அன் எஜூகேஷனல் ட்ரஸ்ட் நிறுவனர் டாக்டர் ஜெயந்தி ராஜூ,
மதுரை ரோட்டரி கிளப் இயக்குநர் சுவ.ப்ரியா பார்மா
செயலாளர்
ஜெயந்தி கலைராஜம்
உள்ளிட்ட அரசு அலுவலர்கள் பலர் கலந்து கொண்டனர்.

உங்களது கருத்தைப் பதிவு செய்யுங்கள்...

%d bloggers like this: