இம்மாதம், 6–ல் குடிநீர் சப்ளை நிறுத்தம்: ம ாநகராட்சி ஆணையாளர்:

புதிய இரும்பு குழாய்கள் பொருத்தும் பணி நடைபெற இருப்பதால், ஒரு நாள் குடிநீர் சப்ளை நிறுத்தம்:

மதுரை:

மதுரை மாநகராட்சி வைகை குடிநீர் திட்ட பராமரிப்பு பணிகள் நடைபெறுவதால், வைகை அணையிலிருந்து குடிநீர் கொண்டு வரும் இரண்டாம் வைகை குடிநீர் திட்டத்தின் சுத்திகரிக்கப்பட்ட குடிநீர் குழாயில் ஆரப்பாளையம் அம்மா பாலம் அருகில் வைகை ஆற்றின் தென்கரையில் ஏற்பட்டுள்ள குழாய் உடைப்பு மற்றும் சுந்தரராஜபுரம் மேல்நிலைத் தொட்டி அருகில் ஏற்பட்டுள்ள குழாய் உடைப்புகளை சரி செய்து குடிநீர் வீணாவதை தடுக்கவும், 500 மற்றும் 450 விட்டமுள்ள உடைந்த பழைய குழாய்களை மாற்றி அமைத்து
இரும்பு குழாய்கள் பதித்து இணைப்பு பணிகள் நடைபெற இருப்பதால் எதிர்வரும் 06.11.2021 (சனிக்கிழமை) அன்று ஒரு நாள் மட்டும் கீழ்க்கண்ட பகுதிகளில் குடிநீர் நிறுத்தம் செய்யப்படுகிறது.
வடகரைப் பகுதியிலுள்ள அனைத்து பகுதிகளுக்கும் வார்டு எண்.6 முதல் 9, 27 மற்றும் 33 முதல் 47 வரை அதாவது, அருள்தாஸ்புரம், தத்தனேரி, செல்லூர், மீனாட்சிபுரம், குலமங்கலம் ரோடு, கோரிப்பாளையம், ரேஸ்கோர்ஸ் காலனி, டி.ஆர்.ஓ.காலனி, பி அண்டு டி காலனி, பீ.பீ.குளம், நரிமேடு, புதூர், அண்ணாநகர், கே.கே.நகர், மதிச்சியம், கரும்பாலை மற்றும் அதனை சார்ந்த பகுதிகள்,
தென்கரைப் பகுதியில் வார்டு எண்.19, 28, 63, 64, 77 மற்றும் 88 முதல் 93 வரையிலுள்ள பகுதிகளுக்கும் அதாவது ஹெச்.எம்.எஸ்.காலனி, விராட்டிப்பத்து, பொன்மேனி, சம்மட்டிபுரம், சுந்தரராஜபுரம், ஜெய்ஹிந்துபுரம், டி.வி.எஸ்.நகர், முத்துப்பட்டி, அழகப்பன் நகர், கீரைத்துறை, வில்லாபுரம் மற்றும் அதனை சார்ந்த பகுதிகள்.
எனவே பொதுமக்கள் குடிநீரை சேமித்து சிக்கனமாக பயன்படுத்துமாறும், மேலும், அத்தியாவசியமான வார்டுப் பகுதிகளுக்கு லாரிகள் மூலம் குடிநீர் விநியோகம் செய்யப்படும் என்றும் ஆணையாளர் மரு.கா.ப.கார்த்திகேயன், தெரிவித்துக் கொள்ளப்படுகிறது.

உங்களது கருத்தைப் பதிவு செய்யுங்கள்...

%d bloggers like this: