படம்

மதுரை மாநகராட்சி
தமிழகத்தில் பள்ளிகள் திறக்கப்பட்டதை தொடர்ந்து, ஈ.வெ.ரா.பெண்கள் மேல்நிலைப்பள்ளியில் ஆணையாளர் மரு.கா.ப.கார்த்திகேயன், ஆய்வு:

மதுரை:

மதுரை மாநகராட்சி ஈ.வெ.ரா. பெண்கள் மேல்நிலைப்பள்ளியில் ஆணையாளர் மரு.கா.ப.கார்த்திகேயன், இன்று (01.09.2021) ஆய்வு மேற்கொண்டார்.
தமிழக அரசின் உத்தரவின் கீழ் பள்ளிகள் திறக்கப்பட்டதை தொடர்ந்து, மதுரை மாநகராட்சியின் கட்டுப்பாட்டில் 9 உயர்நிலை பள்ளிகள், 15 மேல்நிலைப்பள்ளிகளில் கொரோனா வழிகாட்டு நெறிமுறைகளை பின்பற்றி கிருமி நாசினி தெளித்தல், முகக்கவசம், தனிநபர் இடைவெளி, கை கழுவும் வசதிகள் ஏற்படுத்துதல், வெப்பமானி பரிசோதனை செய்தல் உள்ளிட்ட அனைத்து பள்ளிகளில் வளாகங்கள் சுத்தம் மற்றும் தூய்மைப்படுத்தும் பணிகள் மேற்கொள்ளப்பட்டு உள்ளது.
அதன்படி , ஈ.வெ.ரா. மாநகராட்சி பெண்கள் மேல்நிலைப் பள்ளியில் ஆணையாளர், ஆய்வு மேற்கொண்டு பள்ளிகளில் வெகுநாட்கள் கழித்து வருகை புரிந்துள்ள மாணவிகளிடம், புத்துணர்வு குறித்தும், முகக்கவசம் அணிவது, தனிநபர் இடைவெளி கடைப்பிடிப்பது உள்ளிட்ட கொரோனா வழிகாட்டு நெறிமுறைகள் குறித்தும் கேட்டறிந்தார். தமிழக அரசின் வழிகாட்டுதலின்படி, அனைத்து மாணவ, மாணவிகளுக்கும் புத்தாக்கபயிற்சி, உடற்பயிற்சிகள் அளிக்குமாறும் ஆசிரியர்களுக்கு அறிவுறுத்தினார். மதுரை மாநகராட்சி உயர்நிலை, மேல்நிலைப்பள்ளிகளில் சராசரியாக 5414 மாணவ, மாணவிகள் இன்று வருகைபுரிந்து உள்ளனர்.
இந்த ஆய்வின்போது, கல்வி அலுவலர்
பொ.விஜயா, மக்கள் தொடர்பு அலுவலர்
மகேஸ்வரன், தலைமை ஆசிரியர்கள், ஆசிரியர்கள் உட்பட மாநகராட்சி அலுவலர்கள் கலந்து கொண்டனர்.

உங்களது கருத்தைப் பதிவு செய்யுங்கள்...

%d bloggers like this: