Connect with us

LatestNews

போலி ஆவணங்கள் பாஸ்போர்ட்..நடவடிக்கை..

Published

on

போலி ஆவணங்கள் பாஸ்போர்ட்: நடவடிக்கை எடுக்க உத்தரவு

மதுரை: போலியான ஆவணங்களை கொடுத்து அகதிகள் பாஸ்போர்ட் பெறுவதை தடுக்க கோரிய வழக்கில், பாஸ்போர்ட் பெறுவதற்கு சோதனை செய்யும் காவல்துறை உட்பட அனைத்து துறை அலுவலர்களும் மூன்று மாதங்களுக்குள் உரிய நடவடிக்கை எடுக்க உயர் நீதிமன்ற மதுரை கிளை உத்தரவிட்டுள்ளது.

மதுரையைச் சேர்ந்த முருக கணேசன் என்பவர் உயர் நீதிமன்ற மதுரை கிளையில் மனு ஒன்றினைத் தாக்கல் செய்தார். அதில், "இந்தியாவை சேர்ந்த மக்கள் பாஸ்போர்ட் பெறுவதற்கு 1967ஆம் வருடம் சட்டம் வகுக்கப்பட்டுள்ளது. இதன்படி விண்ணப்பதாரர் இந்தியாவில் பிறந்திருக்க வேண்டும், முகவரி மற்றும் அடையாளம் இருக்க வேண்டும்.

பாஸ்போர்ட் பெறுவதற்கான மண்டல அலுவலகம் மதுரையில் உள்ளது. "பாஸ்போர்ட் சேவா கேந்திரா" மதுரை மற்றும் திருநெல்வேலியில் உள்ளது. சிவகங்கை, திண்டுக்கல், தேனி, ராமநாதபுரம், விருதுநகர், தூத்துக்குடி கன்னியாகுமரி ஆகிய பகுதிகளில் இந்திய தபால் அலுவலகத்துடன் பாஸ்போர்ட் அலுவலகம் செயல்பட்டு வருகிறது. ஏழு கட்ட பரிசோதனைகள் செய்த பின்பே தனிநபருக்கு பாஸ்போர்ட் வழங்கப்படுகிறது.

இதில் முக்கியமாக மூன்று கட்ட காவல் துறையினர் பரிசோதனையானது நடைபெறுகிறது. இதன்படி பாஸ்போர்ட் பெறுபவரின் முகவரி, பாஸ்போர்ட் பெறுபவர் மீது வழக்கு ஏதும் உள்ளதா? பாஸ்போர்ட் பெறுபவர் அடையாளம் சரியாக உள்ளதா? என்ற சோதனைகள் நடைபெறுவது வழக்கம். மதுரை அவனியாபுரம் காவல் நிலையத்தில் போலி பாஸ்போர்ட் வைத்திருந்ததாக 53 வழக்குகள் பதியப்பட்டுள்ளது. இவர்கள் மீது முதல் தகவல் அறிக்கை மட்டுமே பதியப்பட்டுள்ளது மேல் நடவடிக்கை எதுவும் எடுக்கப்படவில்லை.

இவர்கள் போலியான இருப்பிட சான்றிதழ் கொடுத்து பாஸ்போர்ட் எடுத்தது தெரியவந்தது. இதில் அதிகமான இலங்கை அகதிகள் ஈடுபட்டுள்ளனர். இதன் மூலம் அகதிகளாக உள்ள இவர்கள் எந்த நாட்டிற்கு செல்ல முடியும், சட்ட விரோத நடவடிக்கை நடைபெறுவதற்கும் வாய்ப்புள்ளது. க்யூ பிரிவு காவல்துறையினர் எந்த ஒரு நடவடிக்கையும் எடுக்காமல் உள்ளனர்.

எனவே இடைக்கால உத்தரவாக தமிழ்நாடு காவல் துறை தலைவர் தலைமையில் நிலுவையில் உள்ள போலி பாஸ்போர்ட் வழக்குகளை உரிய நேரத்தில் விசாரிக்க உத்தரவிட வேண்டும். உடனே இந்த வழக்குகளை சிபிஐ அல்லது அதற்கு இணையான வேறொரு அமைப்பு விசாரணைக்கு உத்தரவிட வருங்காலங்களில் இதுபோன்ற நடவடிக்கைகளை தடுப்பதற்கு ஓய்வு பெற்ற நீதிபதி தலைமையில் குழு அமைக்க உத்தரவிட வேண்டும்" என கோரியிருந்தார்.

இந்த மனு நீதிபதி எம்.எம்.சுந்தரேஷ், ஆனந்தி ஆகியோர் அமர்வு முன்பு இன்று விசாரணைக்கு வந்தது. அப்போது அரசு தரப்பில், பாஸ்போர்ட் சம்பந்தமாக இதுவரை 175 நபர்கள் விசாரணை செய்யப்பட்டு 22 நபர்கள் மீது வழக்குப்பதிவு செய்யப்பட்டு 16 நபர்கள் கைது செய்யப்பட்டுள்ளனர் எனத் தெரிவிக்கப்பட்டது.

இதனைத் தொடர்ந்து நீதிபதிகள் பாஸ்போர்ட் பெறுவதற்காக விசாரணையில் ஈடுபடும் காவல் துறை மட்டுமல்லாமல் அனைத்து துறைகளிலுள்ள அலுவலர்கள் மனுதாரரின் மனு குறித்து மூன்று மாதங்களுக்குள் உரிய நடவடிக்கை எடுக்க வேண்டும் என உத்தரவிட்டு மனுதாரரின் மனுவில் பொதுநலம் இல்லை எனக் கூறி வழக்கை தள்ளுபடி செய்து உத்தரவிட்டார்.

Continue Reading
Advertisement
Click to comment

உங்களது கருத்தைப் பதிவு செய்யுங்கள்...

LatestNews

பஸ்ஸில் கொரோனா விழிப்புணர்வு:

Published

on

திருமங்கலத்தில் தமிழக அரசு கொரோனா விழிப்புணர்வு, பிரசாரத்தை மதுரை மாவட்ட ஆட்சியர் துவக்கி வைத்தார்:

திருமங்கலம்:

மதுரை மாவட்டம் திருமங்கலம் பேருந்து நிலையம் முன்பு, தமிழக அரசு கொரோனா தடுப்பு விழிப்புணர்வு பிரச்சாரத்தை நடத்தி னர்.
இந்நிகழ்ச்சியில், மதுரை மாவட்ட ஆட்சியர் அனீஷ் சேகர், உதவி மக்கள் தொடர்பு அலுவலர் வினோத், திருமங்கலம் வட்டாட்சியர் ஆனந்தகிருஷ்ணன், வருவாய் கோட்டாட்சியர்
அனிதா, நகராட்சி ஆணையர் பொறுப்பு சுப்பிரமணிய பிரபு மற்றும் சுகாதார அலுவலர் சுருளிநாதன் ஆகியோர் கலந்து கொண்ட விழிப்புணர்வு பிரச்சாரம் நடைபெற்றது.
மேலும் திருமங்கலம் சாலைகளிலும் பேருந்து நிலையத்தில், பேருந்தில் அமர்ந்திருக்கும் பயணிகளுக்கும் முகக்கவசம் கொடுக்கப்ட்டு, கொரோனா தற்பாதுகாப்பு பற்றிய துண்டுப்பிரசுரம் விழிப்புணர்வு நடைபெற்றது. பொதுமக்களிடம் கை கழுவும் முறைகள் குறித்து, விழிப்புணர்வு ஏற்படுத்தினர்.

Continue Reading

LatestNews

சோழவந்தானில் கொரோனா விழிப்புணர்வு பேரணி:

Published

on

சோழவந்தான் பேரூராட்சி சார்பில் கொரோனா தடுப்பு விழிப்புணர்வு கலை நிகழ்ச்சி:

சோழவந்தான்:

தமிழக அரசின் வழிகாட்டுதலின் படி, பேரூராட்சிகளின் ஆணையர் அவர்களின் ஆணைக்கிணங்க, மதுரை மாவட்டம் சோழவந்தான் பேரூராட்சி சார்பாக பரதாலயா கலைக்குழுவினரால் கொரோனா விழிப்புணர்வு கலை நிகழ்ச்சிகள் நடைபெற்றது. சோழவந்தான் ஜெனகை மாரியம்மன் கோவில் அருகில், வட்டப்பிள்ளையார் கோவில் பேருந்து நிறுத்தம் அருகில், பேட்டை பகுதியில், மந்தை களத்தில், மேலப்பச்சேரி பகுதியில் உள்ளிட்ட ஐந்து இடங்களில் நடத்தப்பட்டது. செயல் அலுவலர் ஜிலால் பானு தலைமையில், சோழவந்தான் காவல் ஆய்வாளர் முன்னிலையில், தூய்மை பணியாளர்களை கொண்டு கொரோனா விழிப்புணர்வு பேரணி, ஜெனகை மாரியம்மன் கோவிலிலிருந்து கடை வீதி வழியாக பேரூராட்சி அலுவலகம் வரை நடத்தப்பட்டது.
சிறிய கடைகள், வணிக வளாகங்கள், மற்றும் பேருந்து நிறுத்தங்களில் செயல் அலுவலர் கொரோனா விழிப்புணர்வு குறித்த துண்டு பிரசுரங்கள் வழங்கினார்.
வணிக நிறுவனங்களில் முகக் கவசம் மற்றும் சமூக இடைவெளி குறித்த நோட்டீஸ் ஒட்டப்பட்டது. துப்புரவு பணி மேற்பார்வையாளர்கள் திலீபன் சக்ரவர்த்தி மற்றும் வினோத் குமார். இளநிலை உதவியாளர்கள் முத்துக்குமார் கல்யாணசுந்தரம் மற்றும் பணியாளர்கள் சோனை பூவலிங்கம் உள்ளிட்டோர் கலந்து கொண்டனர்.

Continue Reading

LatestNews

பார்வையற்றோர்களுக்கு அரிசி வழங்கும் விழ ா:

Published

on

பாரதி யுவகேந்திரா சார்பில் பார்வையற்றோர்களுக்கு இலவசமாக அரிசி வழங்கும் நிகழ்ச்சி:

மதுரை:

மதுரை பாரதி யுவகேந்திரா மற்றும் மதுரையின் அட்சயபாத்திரம் அமைப்பு சார்பில், பார்வையற்றோருக்கு
மாதா மாதம் வழங்கப்படும், ஒவ்வொருவருக்கும் 10 கிலோ அரிசி மற்றும் போர்வை வழங்கும் நிகழ்ச்சி, மதுரை மேல பெருமாள் மேஸ்திரி வீதி ஹோட்டல் பிரேம் நிவாஸ் அரங்கில் நடந்தது. மதுரையின் அட்சயபாத்திரம் நிறுவனர் நெல்லை பாலு வரவேற்றார். நிகழ்ச்சிக்கு, ரோட்டரி உதவி ஆளுநர் வி. கார்மேகம் தலைமை தாங்கினார். நிகழ்ச்சியில், மதுரை ஊரக வளர்ச்சி துறை முன்னாள் உதவி இயக்குனர் ராமகிருஷ்ணன் மற்றும் மதுரை மாவட்ட ஆட்சித்தலைவரின் முன்னாள் நேர்முக உதவியாளர் சுப்பு லக்ஷ்மி ராமகிருஷ்ணன் ஆகியோர் முன்னிலை முன்னிலை வகித்து, பார்வையற்றோருக்கு அரிசி மற்றும் போர்வை வழங்கினர். நிகழ்ச்சியில், மதுரை கிழக்கு ரோட்டரி சங்க முன்னாள் தலைவர் பிரபு கார்த்திகேயன் உட்பட பலர் பங்கேற்றனர். நிகழ்ச்சி ஏற்பாட்டினை, மதுரையின் அட்சய பாத்திரம் நிறுவனர் நெல்லை பாலு செய்திருந்தார்.

Continue Reading

சினிமா..

Follow me on Twitter

Dhinasari News

ஒலிம்பிக்கில் இன்று: பி.வி.சிந்துவின் சாதனையுடன் இந்தியா!

ஒலிம்பிக் இன்றைய போட்டி முடிவுகள் 01.08.2021. ஒலிம்பிக்கில் இன்று: பி.வி.சிந்துவின் சாதனையுடன் இந்தியா! முதலில் தினசரி தமிழ் தளத்தில் வெளியான செய்தி. [...]

ஆக.1: தமிழகத்தில் 1,990 பேருக்கு கொரோனா; 26 பேர் உயிரிழப்பு!

தமிழகத்தில் இன்றைய கொரொனா பாதிப்பு விவரம்... ஆக.1: தமிழகத்தில் 1,990 பேருக்கு கொரோனா; 26 பேர் உயிரிழப்பு! முதலில் தினசரி தமிழ் தளத்தில் வெளியான செய்தி. [...]

ஓலா வின் எலக்ட்ரிக் பைக்! முன்பதிவு ரூ.499 மட்டுமே!

ஓலா நிறுவனதின் முதல் தயாரிப்பானது மின்சார ஸ்கூட்டராக இருக்கும் என்றும் அதன் முன்பதிவுகளை ரூ.499 க்கு மட்டுமே என்றும் அறிவித்துள்ளது. இந்தியாவில் தயாரிக்கப்பட்ட சிறந்த மின்சார ஸ்கூட்டரை… [...]

நாளை மின்தடை! உங்க பகுதி இருக்கா..?

சென்னையில் ஆகஸ்ட் 2ஆம் தேதி திங்கள்கிழமை பராமரிப்புப் பணிகள் காரணமாக மின்தடை ஏற்படும் பகுதிகள் அறிவிக்கப்பட்டுள்ளது. இது குறித்து மின்வாரியம் வெளியிட்டிருக்கும் செய்திக் குறிப்பில், சென்னையில் 02.08.2021… [...]

செல்ஃபி எடுக்க சென்றவர்.. சிறுத்தை தாக்கி படுகாயம்!

குகைக்குள் பதுங்கி இருந்த சிறுத்தை, ஹரிபாஸ்கரன் முதுகில் பாய்ந்து தாக்கியது. செல்ஃபி எடுக்க சென்றவர்.. சிறுத்தை தாக்கி படுகாயம்! முதலில் தினசரி தமிழ் தளத்தில் வெளியான செய்தி. [...]

Follow Us

ஆன்மிகம்…

Trending

Copyright © 2020 Daily Tamil News Developed and Maintained by SSS Media, Chennai TN, IN

%d bloggers like this: