தொடர் சிகரெட் பழக்கத்திற்கு அடிமையானவர் மயங்கி விழுந்து பலி.
மதுரை ஜன 9 தொடர் சிகரெட் பழக்கத்திற்கு அடிமையானவர் மயங்கி விழுந்து பலியானார்.
தாசில்தார் நகர் அன்பு நகரை சேர்ந்தவர் ராஜன் 44 .சிகரெட்டை விடாமல் தொடர்ந்து புகைக்கும் பழக்கம் உள்ளவர். இதனால் இவருக்கு குணம் அடைவதற்கான சிகிச்சை பெற்று வந்த நிலையில் மேலவெளி வீதியில் நடந்து சென்றபோது நடைபாதையில் மயங்கி விழுந்து பலியானார் .இதுகுறித்து மனைவி சித்ரா கொடுத்த புகாரின்பேரில் திடீர்நகர் போலீசார் வழக்குப்பதிவு செய்து விசாரணை நடத்தி வருகின்றனர்.
****************
மதுரை பைபாஸ் சாலையில் சிறுவன் ஓட்டிச் சென்ற பைக் மோதி மூதாட்டி பலி.
மதுரை ஜன 9பைபாஸ் சாலையில் சிறுவன் ஓட்டிச் சென்ற பைக் மோதி மூதாட்டி பலியானார்.
ஆரப்பாளையம் சண்முக ஆனந்தபுரம் பகுதியை சேர்ந்தவர் செல்லம் 60 . இவர் பைபாஸ் ரோடு புது பாலம் அருகே நடந்து சென்ற போது சிறுவன் ஓட்டிச் சென்ற பைக் மோதி சம்பவ இடத்திலேயே பலியானார். இதுகுறித்து போக்குவரத்து புலனாய்வு பிரிவு போலீசார் வழக்குப்பதிவு செய்து விசாரித்து வருகின்றனர்.
******************
மதுரையில் மூன்று கிலோ கஞ்சாவுடன் 2 பேர் கைது.
மதுரை ஜன 9 மதுரை அவனியாபுரம் மற்றும் எஸ் எஸ் காலனி பகுதியில் கஞ்சா விற்பனை செய்த இரண்டு போலீசார் கைது செய்தனர்.
மதுரை வில்லாபுரம் மீனாட்சி நகர் பள்ளி அருகே காலி இடத்தில் கஞ்சா விற்பனை செய்வதாக அவனியாபுரம் போலீசாருக்கு தகவல் கிடைத்தது.போலீசார் சம்பவ இடத்திற்கு சென்று விற்பனை செய்த மீனாட்சி நகரை சேர்ந்த விக்னேஸ்வரன் என்ற விக்கி 22 என்பவரை கைது செய்து அவரிடம் இருந்து ஒன்றரை கிலோ கஞ்சாவை பறிமுதல் செய்தனர் .அதுபோல எஸ்.எஸ்.காலனிபோடிலயன் பகுதியில் கஞ்சா விற்பனை செய்வதாக கிடைத்த தகவலின் அடிப்படையில் எஸ் எஸ் காலனி போலீசார் சம்பவ இடத்திற்கு சென்று பூக்காரத்தோப்பு பகுதியை சேர்ந்ததர்மர் 36 என்பவரை கைது செய்து அவரிடமிருந்து ஒரு கிலோ 450 கிராம் கஞ்சாவை பறிமுதல் செய்தனர்.
********************
மதுரை அருகே
மின்சாரம் தாக்கி கூலி தொழிலாளி பலி.
மதுரை ஜன 9 மதுரை அருகே மின்சாரம் தாக்கி தொழிலாளி பலி ஆனார்.
மதுரை அருகே சமயநல்லூர் செக்கடி தெருவை சேர்ந்தவர் அக்னிஸ்வரன் 32 .இவர் கூலி தொழிலாளியாவார். சம்பவத்தன்றுசமயநல்லூர் பகுதியில் வேலை செய்து கொண்டிருந்த போது மின்சாரம் தாக்கி பலியானார்.இதுகுறித்து அவரது தந்தை மதிவாணன் கொடுத்த புகாரின் பேரில் சமயநல்லூர் போலீசார் வழக்கு பதிவு செய்து விசாரித்து வருகின்றனர்.
****************
மதுரை ஒத்தக்கடை அருகே ஆட்டோ மோதி மூதாட்டி பலி.
மதுரை ஜன 9 ஒத்தக்கடை பகுதியில் ஆட்டோ மோதி மூதாட்டி பலி ஆனார்.
மதுரை ஒத்தக்கடை பகுதியை சேர்ந்தவர் பஞ்சவர்ணம் 72 .இவர் திருமோகூர் ரோட்டில் நடந்து சென்ற போது நா கனாகுலத்தைச் சேர்ந்த பாண்டியராஜன் 57 என்பவர் ஓட்டிச் சென்ற ஆட்டோ மோதி மூதாட்டி பஞ்சவர்ணம்சம்பவ இடத்திலேயே பலியானார் .இந்த விபத்து குறித்து ஒத்தக்கடை கிராம நிர்வாக அதிகாரி ஜான்சி கொடுத்த புகாரின் பேரில் ஒத்தக்கடைபோலீசார் வழக்குப்பதிவு செய்து விசாரித்து வருகின்றனர்.
***************