Connect with us

LatestNews

கதவு உடைப்பு ..இருவர் கைது..

Published

on

மதுரையில் வீட்டின் கதவை உடைத்த 2 பேர் கைது
மதுர நவ 22 முன்விரோதத்தில் வீட்டின் கதவை உடைத்த இரண்டு பேரை போலீசார் கைது செய்தனர்
மதுரை பீபிகுளம் காந்திஜிதெருவைச் சேர்ந்தவர் மாலதி 35 இவர் வீட்டில் தனியாக இருந்த போது திருப்புவனத்தை சேர்ந்த சூரியபிரகாஷ் 24 மற்றும் மதுரை பீபீ குளம் காந்திஜி தெருவைச் சேர்ந்த மகாலட்சுமி 54 இவர்களுடன் மேலும் இரண்டு பேர் திடீரென்று கடப்பாரையுடன் வந்து பட்டப்பகலில் மாலதி வீட்டின் கதவை உடைக்க தொடங்கினர் .இதை தட்டி கேட்ட மாலதியை ஆபாசமாக பேசி மிரட்டல் விடுத்துள்ளனர். இந்த சம்பவம் தொடர்பாக மதுரை தல்லாகுளம் போலீசில் ம்லதாபுகார் செய்தார்‌ போலீசார் வழக்கு பதிவு செய்து சூரிய பிரகாஷ் 24 மகாலட்சுமி 54 ஆகாய இரண்டு பேரையும் கைது செய்தனர்.

மதுரையில் 12 வயது சிறுமி பலாத்காரம் முதியவர்கைது

மதுரை நவ 22 .12 வயது சிறுமியை பலாத்காரம் செய்த முதியவரை போலீசார் கைது செய்தனர்.
மதுரை திடீர்நகர் பாஸ்கரதாஸ் நகரைச் சேர்ந்த 12 வயது சிறுமி வீட்டில் தனியாக இருந்தார். அப்போது அதே பகுதியைச் சேர்ந்த பிச்சை 60 என்ற முதியவர் அந்த சிறுமியை பலாத்காரம் செய்ய முயற்சித்தார் .பின்னர் சிறுமி கூச்சல் போடவே அங்கிருந்து ஓடிவிட்டார். இந்த சம்பவம் அறிந்த சிறுமியின் தாயார்தெற்கு அனைத்து மகளிர் காவல் நிலையத்தில் புகார் செய்தார். போலீசார் வழக்கு பதிவு செய்து முதியவர் பிச்சையை கைது செய்தனர்.

மதுரையில் கடன் தொல்லையால் அவதிப்பட்ட பெண் தூக்குப்போட்டு தற்கொலை.
மதுரை நவ 22 கடன் தொல்லையால் அவதிப்பட்ட பெண் மனமுடைந்து தற்கொலை செய்து கொண்டார்.
மதுரை திருநகர் பாண்டியன் நகரைச் சேர்ந்தவர் கணபதிஉமா 32 .ய இவர் ஆன்லைன் மூலம் கடன் பெற்றிருந்தார்.அந்த கடனை திருப்பி செலுத்த முடியாமல் அவதிப்பட்டு வந்தார். இதனால் மனமுடைந்து காணப்பட்ட அவர் வீட்டில் தூக்கு போட்டு தற்கொலை செய்து கொண்டார் .இந்த சம்பவம் குறித்து திரு நகர் போலீசார் வழக்கு பதிவு செய்து விசாரித்து வருகின்றனர்.

மதுரை ஜெய்ஹிந்த் புரத்தில் தடைசெய்யப்பட்ட லாட்டரி விற்பனை செய்த 2 பேர் கைது

மதுரை நவ 22 ஜெய்ஹிந்து புரத்தில் தடைசெய்யப்பட்ட லாட்டரி சீட்டுகளை விற்பனை செய்த இரண்டு பேரை போலீசார் கைது செய்தனர்.
மதுரை ஜெய்ஹிந்த்புரம் போலீசார் ரோந்து பணியில் ஈடுபட்ட போது 2வது மெயின் ரோட்டில் தடை செய்யப்பட்ட லாட்டரி சீட்டுகள் விற்பனை செய்த சோலைஅழகுபுரத்தை சேர்ந்த சரவணன் 56 என்பவரை கைது செய்து அவரிடமிருந்து 20 லாட்டரி சீட்டுகளை பறிமுதல் செய்தனர். மற்றொரு பகுதியான பாரதியார் ரோட்டில் விற்பனை செய்த சோலை அழகுபுரம் தைச் சேர்ந்த ராஜன் 67 என்பவரை கைது செய்து அவரிடமிருந்து 20 லாட்டரி சீட்டுகளை போலீசார் பறிமுதல் செய்தனர்.

மதுரையில் இலவச பட்டா வாங்கி தருவதாக கூறி போலி ஆவணம் கொடுத்து மோசடி போலீஸ் விசாரணை

மதுரை நவ 22 இலவச பட்டா வாங்கி தருவதாக கூறி போலி ஆவணம் கொடுத்து மோசடி செய்த 6 பேர் மீது வழக்குப்பதிவு செய்து போலீசார் விசாரணை நடத்தி வருகின்றனர்
மதுரை பசுமலை அம்பேத்கார் நகர் பகுதியை சேர்ந்தவர் பழனிவேல் 33. இவரிடம் இலவச பட்டா வாங்கி தருவதாக பொன்ராஜ், பூமி, கண்ணன் உள்பட மொத்தம் ஆறு பேர் கூறியுள்ளனர். அதற்காக ரூபாய் ஒரு லட்சத்து 40 ஆயிரம் வாங்கி உள்ளனர். ஆனால் பணத்தை பெற்றுக்கொண்டு போலியான பட்டா கொடுத்து ஏமாற்றியுள்ளனர். இதை அறிந்த பழனிவேல், பொன்ராஜ் , கண்ணன் தரப்பினரிடம் கேட்டபோது அவரை மிரட்டியுள்ளனர். இதுகுறித்து பழனிவேல் திருப்பரங்குன்றம் போலீசில் புகார் செய்தார் .போலீசார்பொன்ராஜ், பூமி, கண்ணன் உள்பட 6 பேர் மீது வழக்கு பதிவு செய்து போலீசார் விசாரணை நடத்தி வருகின்றனர்.

மதுரை எஸ் எஸ் காலனி பகுதியில் ஆட்டுக் கிடாய் சண்டை நடத்திய நான்கு வாலிபர்கள் கைது

மதுரை நவ 24 மதுரை எஸ் எஸ் காலனி பகுதியில் ஆட்டுக் கிடாய் சண்டை நடத்திய 4 வாலிபர்களை போலீசார் கைது செய்தனர்.
மதுரை எல்லீஸ் நகர் பழைய போஸ்ட் ஆபீஸ் அருகே ஆட்டுக்கிடாய் சண்டை நடப்பதாக எஸ் எஸ் காலனி போலீசாருக்கு தகவல் கிடைத்தது .போலீசார் சம்பவ இடத்திற்கு சென்று சோதனை நடத்தியபோது அங்கு ஆட்டுக் கிடாய் சண்டை நடத்தியது தெரிய வந்தது .இந்த சண்டையை நடத்திய அன்சாரி நகர் 7வது தெருவை சேர்ந்த முகமது ஆரிப் 21 எல்லிஸ் நகர் பஸ் ஸ்டாப் பகுதியை சேர்ந்த சிவகுமார் 39 பைபாஸ் ரோடு பகுதியை சேர்ந்த கணபதி 23எல்லீஸ் நகர் வ.உ.சி தெருவை சேர்ந்த விக்னேஷ் 26 ஆகிய 4 பேரையும் எஸ் எஸ் காலனி போலீசார் கைது செய்தனர்.

மதுரை உத்தங்குடியில் வீட்டை உடைத்து 30,000 திருட்டு மர்ம ஆசாமி கைவரிசை

மதுரை நவ 22 மதுரை உத்தங்குடி பகுதியில் வீட்டை உடைத்து 30,000 திருடிச் சென்ற மர்ம ஆசாமிகளை போலீசார் தேடி வருகின்றனர்.
மதுரை உத்தங்குடி வளர் நகரை சேர்ந்தவர் வினோத் குமார் 31 .இவர் குடும்பத்துடன் வெளியூர் சென்று விட்டார்.பின்னர் திரும்பி வந்து பார்த்தபோது வீட்டின் முன் கதவு உடைக்கப்பட்டிருந்தது .வீட்டுக்குள் புகுந்த மர்ம நபர்கள் பீரோவில் வைத்திருந்த ரூபாய் 30 ஆயிரத்தை திருடிச்சென்று விட்டனர் .இந்த சம்பவம் தொடர்பாக வினோத்குமார் புதூர் போலீசில் புகார் செய்தார் போலீசார் வழக்குப்பதிவு செய்து திருட்டு ஆசாமிகளை தேடி வருகின்றனர்.

மதுரையில் 2 கிலோ கஞ்சாவுடன் 3 பேர் கைது
மதுரை நவ 22 மதுரையில் 2 கிலோ கஞ்சாவுடன் மூன்று பேரை போலீசார் கைது செய்தனர்.
மதுரை நரிமேடு பி.டி.ராஜன் ரோட்டில் கஞ்சா விற்பனை செய்த நிதிஷ்குமார் 21 என்ற வாலிபரை கைது செய்த போலீசார் அவரிடம் இருந்து 1 கிலோஇருநூற்றுஐம்பதுகிராம் கஞ்சாவை பறிமுதல் செய்தனர். அதுபோல பைபாஸ் ரோட்டில் கஞ்சா விற்பனை செய்த வரதராஜ் அஜித்குமார் 23 என்பவரை செல்லூர் போலீசார் கைது செய்து அவரிடம் இருந்து 450 கிராம் கஞ்சாவை பறிமுதல் செய்தனர் .மற்றொரு பகுதியான விளாங்குடி நேருநகரில் முத்தையா 32 என்பவரிடம் 400 கிராம் கஞ்சாவை பறிமுதல் செய்து அவரையும் போலீசார் கைது செய்தனர்.

கண்பார்வையற்ற மூதாட்டி மண்ணெண்ணெய் விளக்கு தவறி விழுந்ததால் தீப்பிடித்து சாவு

மதுரை நவ 22 தூங்கிக்கொண்டிருந்த கண்பார்வையற்ற மூதாட்டி மண்ணெண்னைவி ளக்கு தவறி விழுந்
து தீப்பிடித்து பரிதாபமாக உயிரிழந்தார்.
மதுரை அருகே இடையப்பட்டி இந்திரா நகரை சேர்ந்தவர் சின்னம்மாள் 77 .இவருக்கு வயது முதிர்வு காரணமாக கண்பார்வை தெரியவில்லை.இந் நிலையில் நேற்று இரவு வீட்டில் மண்ணெண்னை விளக்கை பற்ற வைத்துக் கொண்டு படுத்து தூங்கினார். அப்போது விளக்கு தவறி விழுந்து சின்னம்மாள் ஆடையில் தீப்பற்றியது. இதில் தீயில் கருகி பரிதாபமாக சம்பவ இடத்திலேயே உயிரிழந்தார் .இந்த விபத்து குறித்து ஒத்தக்கடை போலீசார் வழக்குப்பதிவு செய்து விசாரித்து வருகின்றனர்.

மதுரை அருகே கார் கவிழ்ந்து டிரைவர் பலி திருமணத்திற்கு சென்று திரும்பிய போது விபத்து

மதுரை நவ 22 மதுரை அருகே கார் கவிழ்ந்து டிரைவர் சம்பவ இடத்திலேயே பலியானார். திருமணத்திற்கு சென்று ஊர் திரும்பிய போது இந்த விபத்து நடந்தது

விருதுநகர் மாவட்டம் பனையாடிபட்டி ஊரைச் சேர்ந்தவர் செல்வராஜ் மகன் சின்னத்தம்பி. இவர் குடும்பத்துடன் ஊட்டியில் நடந்த உறவினர் வீட்டு திருமணத்திற்கு டாட்டா சுமோவில் சென்றிருந்தார். பின்னர் திருமணம் முடிந்து ஊர் திரும்பிக் கொண்டிருந்தார். அப்போது திருமங்கலம் விருதுநகர் நான்கு வழி சாலையில் சென்றபோது கார் கட்டுப்பாட்டை இழந்து கவிழ்ந்தது.இந்தவிபத்தில் கார் ஓட்டிச் சென்ற சின்னதம்பி சம்பவ இடத்திலேயே பலியானார் .இந்த விபத்து குறித்து கள்ளிக்குடி போலீசார் வழக்குப்பதிவு செய்து விசாரித்து வருகின்றனர்.

Continue Reading
Advertisement
Click to comment

உங்களது கருத்தைப் பதிவு செய்யுங்கள்...

LatestNews

அழகர்கோயில் மலையில் வனவிலங்குகளுக்கு தா கம் தீர்க்க சிறப்பு ஏற்பாடு..

Published

on

வனவிலங்குக்கு தாகம் தீர்க்கும் ஆலயம்:

மதுரை:

மதுரை மாவட்டம், அழகர் கோவிலில், வனவிலங்கின் தாகத்தை போக்க 25 இடங்களில் தண்ணீர் தொட்டி அமைக்கப்பட்டுள்ளது.
அழகர்கோவிலில் மலைபகுதியில் வனவிலங்குகள் உள்ளன.
இந்த விலங்குகள் அப்பகுதியில் உள்ள நூபுர கங்கைக்கு இரவு நேரங்களில் தாகத்தை தீர்த்துக் கொள்ளுமாம்.
அதாவது நூபுர கங்கையிலிருந்து வெறியேறும் தண்ணீரை மலையில் வசிக்கும் வனவிலங்குகள் பயன்படுத்தி வருகின்றன.
மலைகாலங்களில் நூபுர கங்கையில் தண்ணீர் வரத்து அதிகம் இருக்குமாம்.
தற்போது, மதுரை மாவட்டத்தில், மழை இன்றி பகல் பொழுது கடுமையான வெப்பம் நிலவுகிறது.
இதனால், அழகர் கோயில் மலையில் வசிக்கும் வனவிலங்குகள், மலையை விட்டு கீழே தண்ணீருக்காக அலைய நேரிடலாம், என கருதிய கோயில் நிர்வாகமானது, மலைப் பகுதியில் 25 இடங்களில் சிறிய தொட்டி அமைத்து, தினசரி குடிநீரையும் நிரப்பி வருகின்றனராம். இந்த தண்ணீர் தொட்டியானது திருக்கோயில் வளாகத்திலும் அமைக்கப்பட்டுள்ளது.
இவ்வாறு கோயில் நிர்வாகமானது, வனவிலங்குகளுக்கு தாகம் தீர்க்கும் ஆலயமாக செயல்படுவதை, சமூக ஆர்வலர்கள் பாராட்டியுள்ளனர்.

Continue Reading

LatestNews

போக்சோ வழக்கில் இளைஞருக்கு முன் ஜாமீன்.

Published

on

போக்சோ வழக்கில் இளைஞருக்கு முன்ஜாமீன் வழங்கி உயர்நீதிமன்ற மதுரைக்கிளை உத்தரவு:

மதுரை:

போக்சோ வழக்கில் இளைஞருக்கு முன்ஜாமீன் வழங்கி உயர்நீதிமன்ற மதுரைக்கிளை உத்தரவிட்டுள்ளது. மதுரையைச் சேர்ந்தவர் சாம் இன்பென்ட் ஜோன்ஸ். இவர் மீது, இணையதளத்தில் குழந்தைகளின் ஆபாச படத்தை பதிவிறக்கம் செய்து நண்பர்களுக்கு பகிர்ந்ததாக தல்லாகுளம் அனைத்து மகளிர் போலீஸார் போக்சோ மற்றும் தகவல் தொழில்நுட்ப சட்டத்தில் வழக்குப் பதிவு செய்தனர்.
இந்த வழக்கில் முன்ஜாமீன் கேட்டு, சாம் இன்பென்ட் ஜோன்ஸ் உயர்நீதிமன்ற மதுரைக் கிளையில் மனு தாக்கல் செய்தார். இந்த மனுவை விசாரித்து நீதிபதி ஜி.ஆர்.சுவாமிநாதன் பிறப்பி்த்த உத்தரவு:மனுதாரர் எம்இ பட்டதாரி, பிஎச்டி படித்து வருகிறார். சம்பவம் ஒரு ஆண்டுக்கு முன்பு நடைபெற்றுள்ளது. செல்போன், சிம்கார்டு ஆகியவற்றை போலீஸாரிடம் ஒப்படைக்க உத்தரவிடப்பட்டது.
அதன்படி, அவர் அவற்றை போலீஸாரிடம் ஒப்படைத்துள்ளார். இந்த வழக்கில் மனுதாரரை காவலில் எடுத்து விசாரிக்க , வேண்டியதில்லை. கொரோனா தொற்று காலமாக இருப்பதை மனதில் கொண்டு மனுதாரருக்கு முன்ஜாமீன் வழங்கப்படுகிறது. அதே நேரத்தில் குழந்தைகள் ஆபாச படங்களை பகிர்வது என்பது தீவிரமாக அணுக வேண்டியது பிரச்சினை. முதல் முறை தவறில் ஈடுபடுவோர்களுக்கும், டிஜிட்டல் உலகில் தொடர்ந்து ஆபாச படங்களை பகிர்ந்து வருவோர்களுக்கும் இடையே வித்தியாசம் உள்ளது. போக்சோ சட்ட விதிகள் குறித்து வழிப்புணர்வு ஏற்படுத்துவது மத்திய, மாநில அரசுகளின் கடமை. இது மட்டும் போதுமானது அல்ல. நல்லொழுக்க கல்வி மட்டுமே இதுபோன்ற குற்றங்களை தடுக்கும் அரணாக இருக்கும். என உத்தரவில் கூறியுள்ளார்.

Continue Reading

LatestNews

சசிகலாவுடன் தொடர்பு: நடவடிக்கை வேண்டி தீ ர்மானம்..

Published

on

சசிகலோவுடன் தொடர்பு:
நடவடிக்கை வேண்டி தீர்மானம்.

சசிகலாவுடன் தொலைபேசியில் உரையாடி கழகத்திற்கு களங்கம் கற்பிப்போர் மீதுகழகஒருங்கிணைப்பாளர்கள்நடவடிக்கை எடுக்க வேண்டும் என வலியுறுத்தி

மதுரை மண்டல அதிமுக தகவல் தொழில்நுட்ப பிரிவு செயலாளர் வி.வி.ஆர் ராஜ்சத்யன் தலைமையில் நடைபெற்ற காணொளி காட்சி மூலம் 18 மாவட்டங்களில் தீர்மானம்

மதுரை மண்டல தகவல் தொழில்நுட்ப பிரிவு ஆலோசனைக் கூட்டம் காணொளி காட்சி மூலம்வி.வி.ஆர் ராஜ் சத்யன் தலைமையில் நடைபெற்றது இதில் மண்டல பொறுப்பாளர்கள் மதுரை மண்டல நிர்வாகிகள் டி,செல்வகுமார் டி கௌரிசங்கர் ,கவின்ராஜ் ,மணிகண்டன் கிருஷ்ணன , நல்லகுமார் ஹாஜா அமீர் ஹுசைன் சாஹிப் ,விக்னேஷ் ,கருப்பசாமி பாண்டியன் ,மலேஷ் , துணைச் மந்திர மூர்த்தி , துணைச் தமிழ்ச்செல்வன் சிவ ஆனந்த் ,பான்பிரதாப் சேலம் நாமக்கல் கரூர் மதுரை சிவகங்கை ராமநாடு கன்னியாகுமரி தென்காசி தூத்துக்குடி உள்ளிட்ட 18 மாவட்டங்களைச் சேர்ந்த மாவட்ட செயலாளர்கள் கனகராஜ் ,ஜெயகாந்தன் ,முரளி பாலுசாமி , அபிஸ் செல்வம் , ஜெயபாலன் , சிங்கராஜ பாண்டியன் மாணிக்கம் ,கருப்பசாமி பாண்டியன் , பாண்டியராஜன் ,கோபி ,சரவணகுமார் , அருண்குமார் , மசூத் , ஸ்ரீதர் ,அருண் ஜெபராஜ் , செதீஷ் குமார் , மனோ , ஆகியோர் பங்கேற்றனர் இதில் கீழ்கண்ட தீர்மானத்தைவி.வி.ஆர்.ராஜ்சத்யன் நிறைவேற்றினார்

மாண்புமிகு புரட்சி தலைவி அம்மா அவர்கள் கற்றுத்தந்த பாதையில் கழக ஒருங்கிணைப்பாளர்கள் கட்டுப்பாட்டோடு தொண்டர்களின் பேராதரவோடு கழகத்தை வழிநடத்தி வருகின்றனர் .

நாளுக்குநாள் கழகம் வலுவும் , பொழிவும் மக்கள் செல்வாக்கும் பெற்று சிறப்புடன் செயலாற்றி வரும் நிலையில் , கடந்த சட்டமன்ற தேர்தலுக்கு முன்பாக அரசியலில் இருந்து ஒதுங்கி இருப்பதாக அறிவித்த திருமதி . சசிகலா அவர்கள் ஒவ்வொரு நாளும் கழகம் குறித்து சம்பந்தமில்லாத கருத்துக்களை சிலருடன் தொலைபேசி வாயிலாக பேசி வருவதையும் அதை ஊர் அறிய தொலைக்காட்சிகளில் ஒளிபரப்புவதுமாக , ஒரு வினோத செயலை செய்து வருகிறார் ,

ஆனால் அஇஅதிமுக – வின் ஒன்றரை கோடி தொண்டர்களும் இதை நம்பவும் இல்லை , ரசிக்கவும் இல்லை . அனைத்திந்திய அண்ணா திராவிட முன்னேற்றக் கழகம் மக்களின் பேரியக்கமாகவே வரலாற்றில் நிலை பெற்றுள்ளதே தவிர , ஒரு குடும்பத்தில் வசப்படுத்தி கொள்ள தன்னை ஒருபோதும் வசப்படுத்திக் கொள்ளாது என்பதை உறுதிபடுத்தி கொள்வதோடு , திருமதி.சசிகலாவுடன் தொலைபேசியில் உரையாடி கழகத்தின் புகழுக்கு கலங்கம் விளைவித்தவர்கள் அனைவரையும் கழகத்தில் இருந்து உடனடியாக நீக்க வேண்டும் என்றும் ,

இனி இதுபோன்ற செயல்களில் ஈடுபடுவோர் யாராக இருப்பினும் அவர்கள் அனைவர் மீதும் ஒழுங்கு
கழக தகவல் தொழில்நுட்பப் பிரிவு மதுரை மண்டலம் நடவடிக்கை எடுக்கப்பட வேண்டும் என்றும் கழக ஒருங்கிணைப்பாளர்கள் மாண்புமிகு தமிழ்நாடு சட்டமன்ற எதிர்கட்சி தலைவர் அண்ணன் எடப்பாடியார் அவர்களையும் , மாண்புமிகு தமிழ்நாடு சட்டமன்ற எதிர்கட்சி துணை தலைவர் அண்ணன் ஓ.பன்னீர்செல்வம் அவர்களையும் கழக தகவல் தொழில்நுட்ப பிரிவு மதுரை மண்டலத்தின் சார்பாக வலியுறுத்திக் கேட்டுக் கொள்வதோடு ,

நமது இயக்கம் இன்னும் நூறு ஆண்டுகள் மக்கள் பணியாற்ற வேண்டும் என்ற அம்மாவின் லட்சியத்தை நிறைவேற்றும் வகையில் கழக ஒருங்கிணைப்பாளர்கள் இடும் ஒவ்வொரு கட்டளைக்கும் இரவு பகல் பாராது பணியாற்றி கழகம் மீண்டும் வெற்றிச் சரித்திரம் படைக்க சூளுரை ஏற்போம் என்று தீர்மானம் நிறைவேற்றப்படுகிறது
நடந்து முடிந்த சட்டமன்ற தேர்தலில் குடும்ப தலைவிகள் அனைவருக்கும் மாதம் ரூ .1000 / – வழங்குவதாக அறிவித்திருந்த திரு.ஸ்டாலின் அவர்கள் தாங்கள் வாக்குறுதி அளித்தது போல அனைத்து குடும்ப தலைவிகளுக்கும் மாதம் ரூ .1000 உடனடியாக வழங்க வேண்டும் எனவும் தமிழக அரசை வலியறுத்தி தீர்மானம் நிறைவேற்றப்படுகிறது
அதனைத் தொடர்ந்து, 18 மாவட்ட கழக செயலாளர்கள் காணொளி காட்சி மூலம் அந்த தீர்மானத்தை நிறைவேற்றினார்.

Continue Reading

சினிமா..

Follow me on Twitter

Dhinasari News

ஜூன் 19: தமிழகத்தில் 8,183 பேருக்கு கொரோனா; 180 பேர் உயிரிழப்பு!

தமிழகத்தில் இன்றைய கொரொனா பாதிப்பு விவரம்... ஜூன் 19: தமிழகத்தில் 8,183 பேருக்கு கொரோனா; 180 பேர் உயிரிழப்பு! முதலில் தினசரி தமிழ் தளத்தில் வெளியான செய்தி. [...]

ஊதியம் ரூ.76.000! TMP யில் வேலை!

தமிழ்நாடு மெர்க்கன்டைல் வங்கியில் (TMB) காலியாக உள்ள மூத்த நிதி அதிகாரி, டிஜிட்டல் ஆபிசர் உள்ளிட்ட பல்வேறு பணியிடங்களை நிரப்பிடுவதற்கான அறிவிப்பு வெளியிடப்பட்டுள்ளது. பல்வேறு துறைகளின் கீழ்… [...]

அண்ணா பல்கலைக்கழகத்தில் வேலை!

Anna University அதிகாரபூர்வ இணையதளத்தில் Peon & Clerical Assistant காலியிடங்களுக்கான அரசு வேலைவாய்ப்பு அறிவிப்பு வெளியாகி உள்ளது. இந்த வேலைக்கு கல்வித்தகுதியாக 5th, 8th, Any… [...]

பல்கலைக்கழகத்தில் Website Designer பணி!

மேலும் தகவல்களை எங்கள் வலைத்தளம் மூலமாக அறிந்து கொள்ளலாம் பல்கலைக்கழகத்தில் Website Designer பணி! முதலில் தினசரி தமிழ் தளத்தில் வெளியான செய்தி. [...]

மலைக்கோவிலில் ஸ்பெஷல் பூஜை! துர்கா ஸ்டாலின் ஏற்பாடு!

மலை மந்திர் அர்ச்சகரை சந்தித்து சிறப்பு பூஜைகளையும் நடத்தியுள்ளார் துர்கா. மலைக்கோவிலில் ஸ்பெஷல் பூஜை! துர்கா ஸ்டாலின் ஏற்பாடு! முதலில் தினசரி தமிழ் தளத்தில் வெளியான செய்தி. [...]

Follow Us

ஆன்மிகம்…

Trending

Copyright © 2020 Daily Tamil News Developed and Maintained by SSS Media, Chennai TN, IN

%d bloggers like this: