Connect with us

LatestNews

உலை கண்டுபிடிப்பு

Published

on

கீழடியை மிஞ்சும் உலைப்பட்டி – கிமு 5ஆம் நூற்றாண்டு இரும்பு உலை கண்டுபிடிப்பு

மதுரை அருகே கீழடியை மிஞ்சும் வகையில் மற்றொரு தொல்லியல் மேடு, கிமு 5ஆம் நூற்றாண்டைச் சேர்ந்த இரும்பு உலை ஆகியவை ஆய்வாளர்களால் கண்டெடுப்பு. அது குறித்த ஒரு செய்தி தொகுப்பு.

தமிழகத் தொல்லியல் துறையால் அகழாய்வு மேற்கொள்ளப்பட்டு வரும் கீழடியைப் போன்றே மதுரை அருகே மற்றொரு தொல்லியல் மேடு ஆய்வாளர்களால் கண்டறியப்பட்டுள்ளது. இங்கு கிமு ஐந்தாம் நூற்றாண்டைச் சேர்ந்த இரும்பு உருக்கும் உலை இருந்ததும் தெரியவந்துள்ளது.

மதுரை மாவட்டம் உசிலம்பட்டி அருகே உள்ளது உலைப்பட்டி. இந்த ஊரிலுள்ள மேற்கு மலையின் அடிவாரத்தில் பல ஏக்கர் கணக்கில் கிமு 2000லிருந்து கிமு 3 ஆயிரம் காலகட்டத்தைச் சேர்ந்த ஈமக்காடு பரந்து விரிந்து காணப்படுகின்றன. முதுமக்கள் தாழிகள், கல் வட்டங்கள், குத்துக்கல், கற்பலகைகள் என இறந்தோரின் நினைவாக உருவாக்கப்படும் அனைத்து ஈம சின்னங்களும் இங்கு உள்ளன.

அதுமட்டுமன்றி 2500 ஆண்டுகளுக்கு முற்பட்ட இரும்பு உருக்கும் உலை ஒன்றும் கண்டறியப்பட்டுள்ளது. இந்த இடத்தில் கன்னங்கரிய நிறத்திலான இரும்புக் கழிவுகள் குவியலாக காணப்படுகின்றன. இது மிக அரிதான ஒன்றாகும். இதுகுறித்து தொல்லியல் அலுவலர் சக்திவேல் கூறுகையில், இப்பகுதியைச் சேர்ந்த காந்திகிராம கிராமியப் பல்கலைக்கழக பொருளாதார பேராசிரியர் முருகேசன், மனோன்மணியம் சுந்தரனார் பல்கலைக்கழக பேராசிரியர் சென்ராய பெருமாள் ஆகியோர் வழங்கிய தகவலின் அடிப்படையில் இந்த ஆய்வு மேற்கொள்ளப்பட்டது. இப்பகுதியில் பெருங்கற்கால ஈமச்சின்னங்கள் அதிக அளவில் காணப்படுகின்றன. பல்வேறு காலகட்டங்களில் நடைபெற்ற ஈம நடைமுறைகளை இங்கே காண முடிகிறது.அதுமட்டுமன்றி இந்தப் பகுதியில் மிகப் பெரிய அளவிலான இரும்பு உருக்கும் உலை ஒன்றும் கண்டறியப்பட்டுள்ளது. இந்தப் பகுதியில் விரிவான கள ஆய்வுகள் மேற்கொள்ளப்படும் போது மிகப்பெரிய வரலாற்று உண்மைகள் வெளியே தெரிய வாய்ப்பு உள்ளது. தமிழக அரசுக்கு முறையான தகவல் தெரிவிக்கப்பட்டு இங்கு அகழாய்வு மேற்கொள்ள முயற்சி மேற்கொள்ளப்படும் என்றார்.

மேற்கு மலைத் தொடரின் ஒரு பகுதியாக அமைந்துள்ள இந்த மலை அடிவாரத்தில் காணும் இடம் எங்கும் தாழிகளும் பானை ஓடுகளும் ஆங்காங்கே எலும்புத் துகள்களும் பரவலாக காணப்படுகின்றன. இறந்தார் நினைவாக அவர் பயன்படுத்திய பொருட்களை புதைத்த கலயங்கள் முழு வடிவத்தில் கிடைக்கின்றன.

அருகிலுள்ள சூலப்புரம் கிராமத்திலுள்ள இந்து ஆரம்பப்பள்ளியில் தலைமையாசிரியராக பணியாற்றி ஓய்வு பெற்ற அழகர்சாமி கூறுகையில், இந்த மலை அடிவாரப் பகுதியில் ஊர்கள் இருந்ததாகவும், அங்கே மக்கள் வாழ்ந்ததாகவும் எனது முன்னோர்கள் கூறக் கேட்டிருக்கிறேன் இந்த பகுதியில் தற்போதும் பல்வேறு பழமையான பொருள்கள் கிடைத்து வருகின்றன. ஆகையால் இந்த பகுதியில் தமிழக அரசு மிக விரிவான அளவில் ஆராய்ச்சி மேற்கொள்ள வேண்டும் என வேண்டுகோள் வைத்தார்.

காந்திகிராம கிராமியப் பல்கலைக்கழக பொருளாதாரத் துறையில் கெளரவ பேராசிரியராக பணியாற்றும் முருகேசன் கூறுகையில், இங்கு வாழ்ந்த மக்கள் சமூக பொருளாதார கலை பண்பாட்டு வளர்ச்சியோடு வாழ்ந்தார்கள் என்பதை உலகறியச் செய்ய வேண்டும் என்பதே எங்கள் நோக்கம். தன்னார்வத்தோடு இந்த பகுதியில் அலைந்து திரிந்து நாங்கள் இதனை கண்டறிந்து தமிழக தொல்லியல் துறைக்கு தகவல் கொடுத்துள்ளோம். ஆகையால் இங்கு மிகப்பெரிய அளவில் தமிழகஅரசு ஆய்வு நடத்த வேண்டும் என்பதே எங்கள் வேண்டுகோள் என்றார்.

மலையிலிருந்து கல்லெடுத்து இறந்தோரை நினைத்து வழிபடுகின்ற மரபின் தொடர்ச்சி அந்தப் பகுதியில் தற்போதும் இருக்கிறது என்பதுதான் வியப்புக்குரிய ஒன்று. இந்த மலை அடிவார பகுதியில் அமைந்துள்ள மாலை சாமி என்ற கிபி பதினைந்தாம் நூற்றாண்டு கோவில் ஒன்று இதனை உறுதி செய்கிறது. அக்கோவிலின் பூசாரி செல்லத்துரை கூறுகையில், எங்களது முன்னோர்கள் இறந்ததற்கு பிறகு அவர்களின் நினைவாக மலையிலிருந்து கல்லெடுத்து இங்கே நடுவது வழக்கம் அதனை ஒப்பக்கல் என்று அழைத்து வருகிறோம். தண்ணீர் மஞ்சள் கோமியம் பால் ஆகியவற்றால் கழுவி சுத்தம் செய்து அவர்களின் நினைவாக அந்த ஒப்பக் கல்லை இங்கே நட்டு வைத்து வழிபடுகிறோம் என்கிறார்.

நீத்தாரை நினைவூட்டும் நீண்ட நெடிய மரபும் பண்பாடும் தமிழர்களிடையே தொன்று தொட்டு இன்றளவும் நிலவி வருகிறது. இந்த மரபார்ந்த எச்சங்களை ஏதேனும் ஒரு வகையில் இந்த மண் தனக்குள் புதைத்து வைத்து, ஒவ்வொரு கால கட்டத்திலும் அதனை உலகமே அறிய வெளியே தந்துகொண்டே இருக்கிறது. அப்படி ஒரு வரலாற்றுப்பூர்வ தொல்லியல் களமாகத்தான் உலைப்பட்டியையும் நாளைய உலகம் நிச்சயம் பேசும். ஆகையால் கீழடியை போன்று உலைப்பட்டியையும் தமிழக தொழில்துறை கவனத்தில் கொள்ள வேண்டும் என்பதை இந்தப் பகுதி மக்களின் வேண்டுகோள் விடுத்துள்ளனர்..

Continue Reading
Advertisement
Click to comment

உங்களது கருத்தைப் பதிவு செய்யுங்கள்...

LatestNews

தீ விபத்து

Published

on

வாடிப்பட்டிஅருகே
வைக்கோல்படப்பில்தீ:

வாடிப்பட்டி,ஏப்.10.

மதுரை மாவட்டம் வாடிப்பட்டி அருகே நீரேத்தான் யூனியன்ஆபிஸ்சாலையில்
பாலன்நகரை சேர்ந்தவர் திருமலைராஜன் மனைவி மகேஸ்வரி இவரது வீட்டின்;
அருகில் வைக்கோல்படப்பு உள்ளது. இந்நிலையில் நேற்று திடீர் என்று மதியம்
அந்த வைக்கோல் படப்பில் தீபிடித்தது உடனே அக்கம்பக்கத்திலிருந்தவர்கள்
வந்து தீயை அணைத்தனர். ஆனால் காற்றுவீசஅது அதிகமாக பரவியது உடனே
தகவலறிந்த வாடிப்பட்டி தீயணைப்பு நிலைய அதிகாரி சதகத்துல்லா தலைமையில்
தீயணைப்புவீரர்கள் 2மணிநேரம் போராடி தீயை அணைத்தனர்.
3ஏக்கர்வைக்கோல்படப்பின் சேதமதிப்பு ரூ.30ஆயிரமாகும்.

Continue Reading

LatestNews

முகக் கவசம் அணியாதோருக்கு அபராதம்….

Published

on

மதுரையில் மாநகராட்சி அதிரடி:

மதுரை

*முக கவசம் அணியாத நபர்களுக்கு மாநகராட்சி அதிகாரிகள் அதிரடி* மதுரை மாநகராட்சி ஆணையாளர் விசாகன் உத்தரவின்பேரில் மதுரை மாநகராட்சி உட்பட்ட பகுதிகளில் முகக் கவசம் அணியாத நபர்களுக்கும் அபராதம் விதிக்கப்பட்டு வருகிறது அதில் ஒரு பகுதியாக இன்று திருப்பரங்குன்றம் திருநகர் உள்ளிட்ட சுற்று வட்டார பகுதிகளில் மாநகராட்சி சுகாதார ஆய்வாளர் சுப்புராஜ் தலைமையிலான மாநகராட்சி அதிகாரிகள் முக கவசம் அணியாத வணிகர்கள் மற்றும் பொதுமக்களுக்கு ரூபாய் 200 வீதம் அபராதம் ரூபாய் 4200 அபராதமாக வசூலிக்கப்பட்டது . மாநகராட்சி சுகாதார ஆய்வாளர் சுப்புராஜ் நம்மிடம் தெரிவிக்கையில் வரும் வாடிக்கையாளர்கள் கடை உரிமையாளர்கள் மற்றும் தொழிலாளர்கள் கட்டாயமாக முக கவசம் அணிந்திருக்க சமூக இடைவெளியை பின்பற்ற வேண்டும் கிருமிநாசினி கடை வாசல் முன் வைக்க வேண்டும் சாலையில் எச்சில் துப்பக் கூடாது எனவும் மீறி தப்பினால் ரூபாய் 500 அபராதம் விதிக்கப்படும் எனவும் என எச்சரிக்கை விடுத்துள்ளார் . மேலும் வெளியே வரும்போது மக்கள் முக கவசம் அணிந்து வெளியே வரவேண்டும் எனவும் கேட்டுக்கொண்டுள்ளார் மீறி கவசம் அணியாமல் வந்தால் கட்டாயமாக ரூபாய் 200 அபராதம் விதிக்கப்படும் எனவும் எச்சரிக்கை விடுத்துள்ளார்.

Continue Reading

LatestNews

பக்தர்கள் இன்றி கோயில் விழா…

Published

on

மதுரை சித்திரை திருவிழா பக்தர்கள் பங்கேற்பு இன்றி நடைபெறும் என அறிவிப்பு :

கடந்த ஆண்டை போல கோவிலுக்குள் திருவிழா நடைபெறும் என மாவட்ட ஆட்சியர் அறிவிப்பு:

மதுரை

கோயில் வளாக உட்புறத்தில் அனைத்து நிகழ்வுகளும் நடைபெறும் என அறிவிக்கப்பட்டுள்ளது.
மீனாட்சி திருக்கல்யாணத்தை ஆன்லைனில் பக்தர்கள் தரிசிக்கலாம்.
கோவில் வளாகத்திலேயே கள்ளழகர் ஆற்றில் இறங்கும் வைபவம் நடைபெறும்.
கொரோனா இரண்டாம் அலை பரவல் காரணமாக மாவட்ட நிர்வாகம் அறிவித்துள்ளது.

Continue Reading

சினிமா..

Follow me on Twitter

Dhinasari News

ஏப்.11: தமிழகத்தில்  6,618 பேருக்கு கொரோனா; 22 பேர் உயிரிழப்பு!

தமிழகத்தில் இன்றைய கொரொனா பாதிப்பு விவரம்... ஏப்.11: தமிழகத்தில் 6,618 பேருக்கு கொரோனா; 22 பேர் உயிரிழப்பு! முதலில் தினசரி தமிழ் தளத்தில் வெளியான செய்தி. [...]

சமூக வலைத்தள வதந்திகளை நம்ப வேண்டாம்: ரயில்வே அதிகாரி தகவல்!

மதுரை, திருநெல்வேலி, திண்டுக்கல், விருதுநகர், தூத்துக்குடி, கோவில்பட்டி, தென்காசி, செங்கோட்டை, ராஜபாளையம், மானாமதுரை சமூக வலைத்தள வதந்திகளை நம்ப வேண்டாம்: ரயில்வே அதிகாரி தகவல்! முதலில் தினசரி… [...]

இடியுடன் கனமழை! வானிலை ஆராய்ச்சி மையம்!

தமிழகத்தில் வருகிற 15-ஆம் தேதி வரை மழைக்கு வாய்ப்புள்ளது. இடியுடன் கனமழை! வானிலை ஆராய்ச்சி மையம்! முதலில் தினசரி தமிழ் தளத்தில் வெளியான செய்தி. [...]

தனியே பேருந்தில் இருந்த மாணவி! தவறாக நடக்க முயன்ற டிரைவர்!

இது குறித்து அந்த மாணவி அளித்த புகாரின் பேரில் காவல்துறையினர் அவரை கைது செய்துவிட்டனர். தனியே பேருந்தில் இருந்த மாணவி! தவறாக நடக்க முயன்ற டிரைவர்! முதலில்… [...]

திருமண மண்டபத்தில் மாறிய மணமகளால் அதிர்ச்சி!

இந்தோனேஷியாவில் கூகுள் மேப் வழிகாட்டுதலால் மணமகன் குடும்பத்தினர் வேறோரு திருமண மண்டபத்திற்கு மாறிச் சென்ற சம்பவம் பெரும் பரபரப்பை ஏற்படுத்தியுள்ளது. கூகுள் மேப் கையில் இருந்தால் போதும்… [...]

Follow Us

ஆன்மிகம்…

Trending

Copyright © 2020 Daily Tamil News Developed and Maintained by SSS Media, Chennai TN, IN

%d bloggers like this: