மதுக் கடையை மூடக் கோரி போராட்டம்..

மதுரை மாவட்டம் அலங்காநல்லூர் அருகே கொண்டையம்பட்டியில் டாஸ்மாக் கடையை மூடக்கோரி கிராம மக்கள் சாலை மறியல் போராட்டத்தில் ஈடுபட்டனர்….

மதுரை மாவட்டம் அலங்காநல்லூர் அருகே கொண்டையம்பட்டி கிராமத்தில் இயங்கிவரும் அரசு டாஸ்மாக் மதுக்கடையை அகற்றக்கோரி கிராம மக்கள் வாடிப்பட்டியிலிருந்து அலங்காநல்லூர் செல்லும் சாலையில் அமர்ந்து மறியல் போராட்டத்தில் ஈடுப்பட்டனர்.

சுற்றுவட்டாரத்தை சேர்ந்த 25 கிராமங்களில் மதுக்கடை இல்லாத நிலையில் 25 கிராமங்களை சேர்ந்து மது பிரியர்கள், இளைஞர்கள் இங்குள்ள மதுக்கடைக்கு வந்து மது அருந்துவதால் பெண்களுக்கு பாதுகாப்பற்ற நிலை ஏற்படுவதுடன் மது போதையில் செல்லும் வாகன ஒட்டிகளால் சாலை விபத்து ஏற்படுவதாகவும் நேற்று இரவு மது போதையில் இரு சக்கர வாகனத்தில் சென்ற சசிகுமார், பாலமுருகன் இரு இளைஞர்கள் சாலை விபத்தில் உயிரிழந்துள்ள நிலையில் இதுபோன்ற விபத்துக்கள் தொடர்வதால் விபத்திற்கு காரணமாக உள்ள டாஸ்மாக் மதுக்கடையை நிரந்தரமாக மூட கோரி கிராம மக்கள் நூற்றுக்கணக்கானோர் சாலை மறியல் போராட்டத்தில் ஈடுபட்டனர். பதட்டமான சூழல் நிலவியதால் டாஸ்மாக் கடை மூடப்பட்டது. இருப்பினும் டாஸ்மாக் கடையை நிரந்தரமாக மூட வலியுறுத்தி சுமார் 2 மணி நேரத்திற்கும் மேலாக போராட்டம் நீடித்ததால் சாலை போக்குவரத்து பாதிக்கப்பட்டது. இதனை தொடர்ந்து சம்பவ இடத்திற்கு வந்த.சமயநல்லுர் டிஎஸ்பி ஆரோக்கிய ஆனந்த ராஜ் டாஸ்மாக் கடையை நிரந்தரமாக மூடுவதாக உறுதி அளித்ததை தொடர்ந்து கிராம மக்கள் போராட்டத்தை கைவிட்டு களைந்து சென்றனர்.

உங்களது கருத்தைப் பதிவு செய்யுங்கள்...

%d bloggers like this: