Connect with us

LatestNews

தவசிலிங்கசுவாமி ஆலய குடமுழுக்கு..

Published

on

ஸ்ரீதவசிலிங்க சுவாமி கோவிலில் இன்று மஹாகும்பாபிஷேக விழா
அமைச்சர் கே.டி.ராஜேந்திரபாலாஜி பங்கேற்பு
விருதுநகர் . ஆக. 28; விருதுநகர் அருகே மூளிப்பட்டியில் ஸ்ரீ தவசிலிங்க சுவாமி கோயில் மகா கும்பாபிஷேக விழா இன்று காலை தமிழக பால்வளத்துறை அமைச்சர் கே.டி.ராஜேந்திரபாலாஜி தலைமையில் நடைபெற்றது. மஹா கும்பாபிஷேக விழாவில் ஆயிரக்கணக்கான பக்தர்கள் கலந்து கொண்டனர்.
விருதுநகர் அருகே மூளிப்பட்டியில் பழமை வாய்ந்த ஸ்ரீ தவசிலிங்க சுவாமி கோயில் உள்ளது. தமிழக பால்வளத்துறை அமைச்சர் கே.டி.ராஜேந்திரபாலாஜியின் குலதெய்வ வழிபாட்டு கோயிலான இந்த கோயிலில் கடந்த ஒன்றறை ஆண்டுகளாக திருப்பணிகள் நடைபெற்றது. சுற்றுப்பகுதி கிராம மக்களின் ஒத்துழைப்போடு கோயில் திருப்பணிகளை பால்வளத்துறை அமைச்சர் கே.டி.ராஜேந்திரபாலாஜி மேற்கொண்டார். சுமார் 500 வருடங்களுக்கு முன் மிகவும் பழமை வாய்ந்த அருள்மிகு ஸ்ரீ தவசிலிங்க சுவாமி திருக்கோயில் அதன் பழமை மாறாமல் ஆகம விதிப்படி மீண்டும் புதிதாக திருப்பணி வேலைகள் செய்து முடிக்கப்பட்டது கோயிலில் புதிதாக மூலஸ்தானம் அர்த்தமண்டபம் கல் திருப்பணி வேலைகள் மூலஸ்தான விமானம் மூன்று நிலை கோபுரம் மஹா மண்டபம் நுழைவு வாயில் மூன்று நிலை ராஜகோபுரம், அய்யனார் குதிரை வாகனம் கல் திருப்பணி வேலைகள் பரிவார தெய்வங்கள் அனைத்திற்கும் மூலஸ்தான விமானம், கல் சிலைகள் பிரதோஷந்தி யானை வாகனம், திருமதில் சுவர் தலைவரிசைகல் தரைதளம் உள்பட திருக்கோவில் முழுவதுமான புதிய திருப்பணி வேலைகள் அனைத்தும் தவசிலிங்கம்-கிருஷ்ணம்மாள் மகன் விருதுநகர் மாவட்ட கழக பொறுப்பாளர், தமிழக பால்வளத்துறை அமைச்சர் கே.டி.ராஜேந்திரபாலாஜி முயற்சியால் மேற்கொள்ளப்பட்டது. மகா கும்பாபிஷேக விழா கடந்த திங்கள்கிழமை காலை மஹா கணபதி ஹோமம் பூஜையுடன் தொடங்கியது. புதன்கிழமை முதல்யாக கால பூஜை நடைபெற்றது. பூஜையில் பால்வளத்துறை அமைச்சர் கே.டி.ராஜேந்திர பாலாஜி கலந்துகொண்டு சாமி தரிசனம் செய்தார் தொடர்ந்து பல்வேறு பூஜைகளில் கலந்து கொண்டார். நேற்று காலை மங்கள இசையுடன் இரண்டாம்கால யாகபூஜை நடைபெற்றது. ஸ்ரீ தவசிலிங்க சுவாமி, ஸ்ரீஐயனார் பூர்ணகலா, புஷ்கலா மற்றும் பரிகார தெய்வங்களுக்கு அஷ்டபந்தன மருந்து சாத்துதல் நிகழ்ச்சி நடைபெற்றது. நேற்று இரவு மூன்றாம் காலயாக பூஜை நடைபெற்றது. 3ம் யாககால பூஜையிலும் அமைச்சர் கே.டி.ராஜேந்திரபாலாஜி, விருதுநகர் மாவட்ட காலக்டர் கண்ணன், மாவட்ட வருவாய் ஆய்வாளர் மங்கல்ராமசுப்பிரமணியன், சார்பு ஆட்சியாளர் தினேஷ் குமார், சிவகாசி ஒன்றியக் கழகச் செயலாளர் புதுப்பட்டி கருப்பசாமி, சாத்தூர் ஒன்றிய கழக செயலாளர் சண்முகக்கனி, மதுரை ஏர்போர்ட் அத்தாரட்டி கமிட்டி உறுப்பினர் எஸ்.எஸ்.கதிரவன் மற்றும் கட்சி நிர்வாகிகள் கோயில் நிர்வாகிகள் கலந்துகொண்டு சாமி தரிசனம் செய்தனர். திருவிழாவின் முக்கிய நிகழ்ச்சியான மகா கும்பாபிஷேகவிழா இன்று காலை நான்கு மணிக்கு மங்கள இசையுடன் 4ம் யாககால பூஜைகள் நடைபெற்றது. திரவ்யாஹூதி, ஸ்பரிசாஹூதி, பூர்ணஹூ தீபாதாரதனை, யாத்ராதானம் அதனை தொடர்ந்து, மகா கும்பாபிஷேகம் நடைபெற்றது. இன்றுகாலை 7.15 மணிக்கு மூலஸ்தானம் ஸ்ரீ தவசிலிங்க சுவாமி, ஸ்ரீஅய்யனார் பூர்ணகலா, புஷ்கலா மற்றும் பரிவார தெய்வங்களுக்கும் ஆலய விமான கலசத்திற்கு பொதுதீட்சிதர்கள் கும்பநீரை ஊற்ற மஹா கும்பாபிஷேகம் நடைபெற்றது. பின்னர் மகாதீபாராதனை நடைபெற்றது. தொடர்ந்து ஸ்ரீ தவசிலிங்க சுவாமி மற்றும் பரிவார தெய்வங்களுக்கும் தீபாதாரதனை நடைபெற்றது. பால்வளத்துறை அமைச்சர் கே.டி.ராஜேந்திரபாலாஜி தலைமையில் மகா கும்பாபிஷேக விழா நடைபெற்றது. கோவில் நிர்வாகம் சார்பாக அமைச்சருக்கு கும்ப மரியாதை வழங்கப்பட்டது. மகா கும்பாபிஷேக விழா மற்றும் சிறப்பு தீபாராதனைகளில் ஆயிரக்கணக்கான பக்தர்கள், கிராம மக்கள் கலந்து கொண்டனர். மஹா கும்பாபிஷேக விழாவில் சிற்பி கருப்பசாமி, கோயில் தலைவர் செல்லசாமி, மூளிப்பட்டி ஊராட்சி மன்ற தலைவர் திருப்பதிராஜா, விருதுநகர் ஒன்றிய அதிமுக செயலாளரும் கோயில் செயலாளருமான தர்மலிங்கம், கோயில் பொருளாளர் கணியப்பன், சிவகாசி ஒன்றிய கழகச் செயலாளர் புதுப்பட்டி கருப்பசாமி, சாத்தூர் ஒன்றிய கழக செயலாளர் சண்முகக்கனி, திருத்தங்கல் நகர கழக செயலாளர் பொன்சக்திவேல், மாவட்ட மாணவரணி செயலாளர் நல்லதம்பி, மாவட்ட மருத்துவ அணிச் செயலாளர் விஜய்ஆனந்த் திருத்தங்கல் நகர அம்மா பேரவை செயலாளர் ரமணா, மாவட்ட இலக்கிய அணிச் செயலாளர் மச்சராசா, விருதுநகர் தொழில் அதிபர் முரளிதரன், மதுரை ஏர்போர்ட் உறுப்பினர் எஸ்.எஸ்.கதிரவன், விருதுநகர் தொழில் அதிபர் கோகுல்தங்கராஜ், ராஜபாளையம் நகர அம்மா பேரவை செயலாளர் வழக்கறிஞர் முருகேசன் நேதாஜி சுபாஷ் பேரவை மகாராஜா, மாவட்ட எம்ஜிஆர் மன்ற துணைச் செயலாளர் சீனிவாசன், வெம்பக்கோட்டை ஒன்றிய கவுன்சிலர் அடைக்கலம், சிவகாசி இளைஞரணி ஒன்றிய செயலாளா் கே.டி.சங்கர், மாவட்ட எம்.ஜி.ஆர்.மன்ற துணை செயலாளர் தெய்வம், சிவகாசி 5வது வார்டு ஒன்றிய கவுன்சிலர் ஆழ்வார்ராமானுஜம், மங்களம் கூட்டுறவு சங்க தலைவர் ரெங்கபாளையம் காசிராஜன், திருதங்கல் நகர மீணவரணி செயலாளர் பாலகணேஷ், ஒன்றிய கழக துணை செயலாளார் கவிதாகருப்பசாமி, சிவகாசி நகர அம்மா பேரவை செயலாளார் கருப்பசாமி பாண்டியன். மாவட்ட இளைஞர் இளம்பெண்கள் பாசறை செயலாளர் ஆரோக்கியம், சாஸ்தா காளிராஜன், திருத்தங்கல் நகர விவசாய அணி செயலாளர் சிவனேசன், சிவகாசி நகர இளைஞரணி செயலாளர் கே.டி.ஆர்.கார்த்திக் சிவகாசி இளைஞர் இளம்பெண்கள் பாசறை செயலாளர் தனுஷ், சிவகாசி ஒன்றிய மாணவரணி செயலாளர் தெய்வம், மாவட்ட அம்மா பேரவை பொருளாளர் மச்சேஸ்வரன், மாவட்ட கழக பொருளாளர் தேவர், மற்றும் அதிமுக நிர்வாகிகள் ஆயிரக்கணக்கான பக்தர்கள் கலந்து கொண்டனர். கோயில் பக்தர்கள் அனைவருக்கும் அன்னதானம் வழங்கப்பட்டது. மஹா கும்பாபிஷேகத்தைத் தொடர்ந்து 48 நாட்களுக்கு மண்டலாபிஷேகம், சிறப்பு யாக பூஜைகள், அபிஷேக ஆராதனைகள் நடைபெறுகிறது. திருவிழா ஏற்பாடுகளை கோயில் நிர்வாகிகள் சிறப்பாக செய்திருந்தனர்==================================================================

Continue Reading
Advertisement
Click to comment

உங்களது கருத்தைப் பதிவு செய்யுங்கள்...

LatestNews

ஸ்மார்ட் சிட்டி பணிகள் ஆய்வு:

Published

on

மதுரை மாநகராட்சி
ஸ்மார்ட் சிட்டி திட்டத்தின் கீழ்; நடைபெற்று வரும் பல்வேறு பணிகளை, ஆணையாளர் மரு.கா.ப.கார்த்திகேயன், மாவட்ட ஆட்சித் தலைவர் மரு.அனீஷ் சேகர், ஆகியோர் ஆய்வு:

மதுரை:

மதுரை மாநகராட்சி ஸ்மார்ட் சிட்டி திட்டத்தின் கீழ் நடைபெற்று வரும் பல்வேறு பணிகளை ஆணையாளர்
மரு.கா.ப.கார்த்திகேயன், மாவட்ட ஆட்சித் தலைவர் மரு.அனீஷ்சேகர், ஆகியோர் தலைமையில், இன்று (31.07.2021) ஆய்வு மேற்கொண்டனர்.
மதுரை மாநகராட்சி ஸ்மார்ட் சிட்டி திட்டத்தில் கீழ் பெரியார் பேருந்து நிலையம் மேம்படுத்துதல், பழைய சென்ட்ரல் மார்க்கெட் பகுதியில் பல்லடுக்கு வாகனம் நிறுத்துமிடம் அமைத்தல், வைகை ஆற்றங்கரையினை மேம்படுத்துதல், புராதன சின்னங்களை இணைக்கும் புராதன வழித்தடங்கள் அமைத்தல், புதுமண்டபத்தில்; உள்ள கடைகளை குன்னத்தூர் சத்திரத்தில் மாற்றி அமைத்தல், மீனாட்சியம்மன் கோவிலை சுற்றியுள்ள நான்கு சித்திரை வீதிகள் மற்றும் மீனாட்சி பூங்காவினை, மேம்படுத்துதல்,ஜான்சிராணி பூங்கா பகுதியில் சுற்றுலா பயணிகளுக்கான வருகை மையம் மற்றும் அங்காடி அமைத்தல், திருமலை நாயக்கர் மகாலை சுற்றியுள்ள பகுதிகளை மேம்படுத்துதல் உள்ளிட்ட பணிகள் விரைந்து முடிப்பதற்கு நடவடிக்கை மேற்கொள்ளப்பட்டு வருகிறது.
அதன்படி பெரியார் பேருந்து நிலையத்தில் ரூ.167.06 கோடி மதிப்பீட்டில் நடைபெற்று வரும் மேம்பாட்டு பணிகளை ஆய்வு மேற்கொண்டு பெரியார் பேருந்து நிலையத்தில் முதற்கட்டமாக நகரப்பேருந்துகள் இயக்கி பொதுமக்கள் பயன்பாட்டிற்கு கொண்டு வருமாறு கூறினார்கள். பெரியார் பேருந்து நிலையம் அருகில் ரூ.2.75 கோடி மதிப்பீட்டில் புதிதாக கட்டப்பட்டுள்ள சுற்றுலா தகவல் மையத்தினையும், பார்வையிட்டு ஆய்வு மேற்கொண்டனர். மேலும் அருள்மிகு மீனாட்சியம்மன் கோவிலுக்கு, அருகாமையில் உள்ள ஜான்சிராணி பூங்காவில் ரூ.2.45 கோடி மதிப்பீட்டில் மாற்றி அமைக்கப்பட்டு, சுற்றுலாப் பயணிகளின் அத்தியாவசியத் தேவையினை பூர்த்தி செய்யும் வகையில் நவீன வசதிகளுடன் கூடிய புராதன சின்னம் விற்பனை அங்காடிகள் கட்டப்பட்டு, முன்புறம் பயணிகள் அமரும் வகையில் இருக்கைகள் மற்றும் அலங்கார புல்வெளிகளும், பயணிகளின் வசதிக்காக குளியலறை மற்றும் கழிப்பறை வசதிகள் செய்யப்பட்டு உள்ளதை பார்வையிட்டு ஆய்வு மேற்கொண்டனர்.
தொடர்ந்து, அருள்மிகு மீனாட்சியம்மன் கோவில் அருகில் ரூ.41.96 கோடி மதிப்பீட்டில் பல்லடுக்கு வாகன நிறுத்துமிடம் கட்டப்பட்டு வருகிறது. இந்த வாகன காப்பகத்தில் நவீன வசதிகளுடன் இரண்டு அடித்தளங்கள் கொண்ட பல்லடுக்கு வாகன (110 எண்ணம் நான்கு சக்கர வாகனங்கள் மற்றும் 1401 எண்ணம் இரு சக்கர வாகனங்கள் நிறுத்தம் வகையில்) நிறுத்துமிடம் அமைக்கப்பட்டு வருகிறது. இக்கட்டிடங்களில் நடைபெற்று வரும் கட்டுமானம் உள்ளிட்ட அடிப்படை மற்றும் பாதுகாப்பு வசதிகள் குறித்தும், மேலும் புதுமண்டபத்தில் உள்ள டெய்லரிங் கடைகள், புத்தகக்கடைகள், பாத்திர கடைகள் உள்ளிட்ட கடைகளை மாற்றுவதற்காக ரூ.7.13 கோடி மதிப்பீட்டில் குன்னத்தூர் சத்திரத்தில் கட்டப்பட்டுள்ள கடைகளை பார்வையிட்டு ஆய்வு மேற்கொண்டனர்.
மதுரை மாநகராட்சி ஸ்மார்ட் சிட்டி திட்டத்தின் கீழ் வைகை ஆற்று முகப்பு மேம்பாட்டு பணிகளான ஆற்றுப்படுகையை சமப்படுத்துதல், ராஜா மில் சாலை முதல் குருவிக்காரன் சாலை வரை வைகை ஆற்றின் இருபக்க கரைகளிலும் தடுப்பு சுவர் கட்டுதல், சாலைகள் அமைத்தல், நடைபாதைகள் அமைத்தல், பசுமை பகுதியை உருவாக்குதல், பூங்காக்கள் அமைத்தல், சுகாதார அமைப்புகள் ஏற்படுத்துதல், அலங்கார விளக்குகள் உள்ளிட்ட பணிகள் ரூ.84.12 கோடி மதிப்பீட்டில் மேற்கொள்ளப்பட்டு வருகிறது. அதன்படி தெப்பக்குளம் மாரியம்மன் திருக்கோவில், பின்புறம் வைகை ஆற்றின் சாலை விரிவாக்கத்திட்டத்தின் கீழ் இருகரைகளிலும் புதிதாக நான்கு வழிச்சாலைகள் அமைக்கப் பட்டுள்ள பணிகளை பார்வையிட்டனர். மேலும் ,ஸ்மார்ட் சிட்டி திட்டத்தின் கீழ் குருவிக்காரன் சாலை சந்திப்பு பகுதியில் ஆற்றின் குறுக்கே செல்லும் தரைப்பாலத்தினை ரூ.23.17 கோடி மதிப்பீட்டில் உயர்மட்டப் பாலம் மாற்றுவதற்கான கட்டுமான பணிகள் நடைபெற்று வருவதையும், வைகை ஆற்றின் ஆழ்வார்புரம் பகுதி வரை அமைக்கப்பட்டுள்ள நான்கு வழிச் சாலை பணிகளை பார்வையிட்டு, வைகை ஆற்றில் உள்ள ஆகாயதாமரைகள் மற்றும் தேவையில்லாத குப்பைகளை உடனுக்குடன் அகற்றி பணிகளை விரைந்து முடிக்குமாறு சம்பந்தப்பட்ட அலுவலருக்கு உத்தரவிட்டனர்.
இந்த ஆய்வின்போது, நகரப்பொறியாளர் (பொ)
சுகந்தி, செயற்பொறியாளர்
ராஜேந்திரன், உதவிசெயற்பொறியாளர்
ஆரோக்கிய சேவியர், மக்கள் தொடர்பு அலுவலர்
மகேஸ்வரன், உதவிப் பொறியாளர்கள்
ஆறுமுகம்,
கந்தப்பா, தல்லாகுளம் காவல் உதவி ஆணையர் (போக்குவரத்து)
மாரியப்பன், தமிழ்நாடு அரசுபோக்குவரத்து கழக பொது மேலாளர்
இளங்கோவன், துணை மேலாளர் திரு.ரவிக்குமார்,
நடராஜன், தேசிய நெடுஞ்சாலை கோட்டப்பொறியாளர்
சேதுராஜன், மாநில நெடுஞ்சாலை கோட்டப் பொறியாளர்கள்
பிரசன்னா,
பாண்டியன் உட்பட மாநகராட்சி அலுவலர்கள், காவல்துறையினர் மற்றும் உயர் அலுவலர்கள் கலந்து கொண்டனர்.

Continue Reading

LatestNews

பட்டாசு ஆலையில் வெடி விபத்து:

Published

on

சிவகாசி அருகே பட்டாசு ஆலையில் வெடி விபத்து.
விபத்தில் சிக்கி, தொழிலாளி ஒருவர் உடல் சிதறி பரிதாப பலி…..

சிவகாசி :

விருதுநகர் மாவட்டம் சிவகாசி அருகேயுள்ள வி.சொக்கலிங்கபுரம் பகுதியில், திருத்தங்கல் பகுதியைச் சேர்ந்த அய்யனார் (40) என்பவருக்கு சொந்தமான பட்டாசு ஆலை இயங்கி வருகிறது. மாவட்ட வருவாய் அலுவலர் உரிமம் பெற்ற இந்த பட்டாசு ஆலையில், 5 அறைகளில் பட்டாசு தயாரிக்கும் பணிகள் வழக்கம் போல நடைபெற்று வந்தது. 20க்கும் மேற்பட்ட தொழிலாளர்கள் பட்டாசு தயாரிக்கும் பணிகளில் ஈடுபட்டிருந்தனர். பட்டாசு தயாரிக்கும் மூலப்பொருள் கலவை செய்யும் அறையில், மீனம்பட்டி ஜான்சிராணி காலனியைச் சேர்ந்த ஆனந்தராஜ் (60), மருந்து கலவை பணியில் ஈடுபட்டிருந்தார். அப்போது எதிர்பாராத விதமாக, மூலப்பொருட்களில் உராய்வு ஏற்பட்டு திடீர் விபத்து ஏற்பட்டது. இந்த விபத்தில் மருந்து கலவை அறை முற்றிலும் இடிந்து தரைமட்டமானது. இந்த விபத்தில் சிக்கிய ஆனந்தராஜ் உடல் சிதறி பரிதாபமாக பலியானார். விபத்து தகவலறிந்த சிவகாசி தீயணைப்பு நிலைய வீரர்கள் விரைந்து சென்று, விபத்தில் சிக்கி சிதறிக்கிடந்த ஆனந்தராஜின் உடலை மீட்டு, சிவகாசி அரசு மருத்துவமனைக்கு அனுப்பி வைத்தனர். விபத்து நடந்த பட்டாசு ஆலைக்கு விரைந்து சென்ற சிவகாசி காவல் துணை கண்காணிப்பாளர் பாபுபிரசாந்த், பட்டாசு மற்றும் தீப்பெட்டி தனித்தாசில்தார் சிவஜோதி விசாரணை நடத்தினர். விபத்து குறித்து சிவகாசி கிழக்கு காவல்நிலைய போலீசார் வழக்குபதிவு செய்து விசாரித்து வருகின்றனர்.

Continue Reading

LatestNews

மதுரை நகர குற்றச் செய்திகள்:

Published

on

மதுரை அருகே சிலைமானில்
வீடு புகுந்து 8 பவுன் நகை ரூபாய் 2 லட்சம் திருட்டு:
மர்ம ஆசாமி கைவரிசை:

மதுரை:

மதுரை அருகே சிலைமானில் வீடு புகுந்து 8 பவுன் நகை மற்றும் ரூபாய் 2 லட்சத்தை திருடிய ஆசாமியை போலீசார் தேடி வருகின்றனர்.
மதுரை அருகே சக்கிமங்கலம் செல்வராஜ் காலனியை சேர்ந்தவர் அழகு பாண்டி 39. இவர், சலவைத் தொழிலாளி ஆவார் .இவர், தனது வீட்டில் கப்போர்டில் பெட்டியில் எட்டு பவுன் தங்க நகையும் ரூபாய் இரண்டு லட்சம் மும் வைத்திருந்தார். இந்நிலையில், அவசர தேவைக்காக அந்த பணத்தை எடுக்க சென்றபோது, பெட்டியுடன் பணமும் நகையும் திருடப்பட்டு இருந்தது தெரியவந்தது.
இதுகுறித்து ,அழகு பாண்டி சிலைமான் போலீசில் புகார் செய்தார் .புகாரில், இந்த திருட்டில் இரண்டு பேருக்கு தொடர்பு இருப்பதாக சந்தேகப் படுவதாகவும் அவர்கள் பெயரையும் தெரிவித்துள்ளார். .சிலைமான் போலீசார் வழக்குப் பதிவு செய்து, அவர்கள் இருவரிடமும் விசாரணை நடத்தி வருகின்றனர்.

மதுரை வண்டியூரில்
வியாபாரி தூக்குப்போட்டு தற்கொலை:
நஷ்டம் காரணமாக ,
விபரீத முடிவு:

மதுரை:

வண்டியூரில் நஷ்டம் காரணமாக வியாபாரி தூக்குப்போட்டு தற்கொலை செய்துகொண்டது தொடர்பாக போலீசார் விசாரணை நடத்தி வருகின்றனர்.
வண்டியூர் சௌராஷ்டிரபுரம் முதல் தெருவைச்சேர்ந்தவர் சேதுராமன் 62.
இவர், வியாபாரம் செய்து வந்தார்.
வியாபாரத்தில் ஏற்பட்ட நஷ்டம் காரணமாக மன உலச்சலில் இருந்து வந்தார்.
இதற்கான சிகிச்சையும் பெற்றுவந்தார்.
இந்நிலையில், வீட்டில் தூக்குப்போட்டு தற்கொலை செய்து கொண்டார்.
இது குறித்து ,அண்ணாநகர் போலீசார் வழக்குப் பதிவு செய்து, விசாரணை நடத்தி வருகின்றனர்.

மதுரை தெற்குவாசலில்
செல்போன் தொலைந்து போனதால்
வாலிபர் விஷம்குடித்து தற்கொலை:

மதுரை:

தெற்குவாசல் பகுதியில் செல்போன் தொலைந்து போனதால் மனமுடைந்த வாலிபர் தூக்குப்போட்டு தற்கொலை செய்துகொண்டார்.
தெற்குவெளிவீதி முத்துக்கருப்பபிள்ளை சந்துவை சேர்ந்தவர் பார்த்திபன் 31.இவரது, செல்போன் தொலைந்துவிட்டது.
இதனால் ,மன வருத்தத்தில் இருந்து வந்தார்.
இந்நிலையில், வீட்டில் விஷம் குடித்து தற்கொலை செய்து கொண்டார்.
இது குறித்து, தெற்குவாசல் போலீசார் வழக்குப் பதிவுசெய்து, விசாரணை நடத்திவருகின்றனர்.

திருமண ஆசை காட்டி
இளம்பெண் கற்பழிப்பு
தாய்,மகனிடம் போலீஸ் விசாரணை:

மதுரை:

திருமண
ஆசைகாட்டி இளம்பெண் கற்பழிக்கப்பட்டது தொடர்பாக, தாய் மகன்மீது போலீசார் வழக்குப் பதிவுசெய்து விசாரணை நடத்திவருகின்றனர்.
தேனி மாவட்டம் அம்மச்சியாபுரத்தை சேர்ந்தவர் முப்பது வயது இளம்பெண்.
இவர் ,காளவாசல் சொக்கலிங்கநகர் இரண்டாவது தெருவில் வசித்து வருகிறார்.மதுரை பரவையை சேர்ந்தவர் இருபத்தேழுவயது வாலிபர்.
இவரும் அந்தப்பெண்ணும் காதலித்து வந்தனர்.
அந்த பெண்ணை திருமணம் செய்து கொள்வதாக ஆசைவார்த்தை கூறிய வாலிபர் அவரை பலமுறை பலாத்காரம் செய்து கற்பழித்துள்ளார்.
பின்னர், திருமணம்‌செய்ய மறுத்துவிட்டார்.
இதற்கு அந்த வாலிபரின், தாயாரும் உடந்தையாக இருப்பதாக கூறப்படுகிறது.
இது குறித்து ,அந்தப்பெண் கொடுத்த புகாரில், மதுரை தெற்கு அனைத்து மகளிர் போலீசார் தாய்,மகன்மீது வழக்குப்பதிவுசெய்து விசாரணை நடத்திவருகின்றனர்.

மதுரையில் பெண்ணிடம்
கந்துவட்டி கேட்டு மிரட்டல்:
கணவர் மனைவி உட்பட மூன்று பேர் கைது:

மதுரை:

மதுரையில் பெண்ணிடம் கந்துவட்டிகேட்டு மிரட்டிய கணவர் மனைவி உட்பட மூன்று பேரை போலீசார் கைது செய்தனர்.
வடக்குமாசிவீதி கம்பளி மாற சந்துவை சேர்ந்தவர் சரஸ்வதி47.
இவர் சிவகங்கைமாவட்டம், காஞ்சிரங்குளம் வடக்குத்தெருவைசேர்ந்த தனிக்கொடி 48. என்பவரிடம், ரூபாய் ஒரு லட்சம் கடன் வாங்கியுள்ளார்.
அதற்கு வட்டி செலுத்தி வந்த நிலையில், கூடுதல் வட்டி கேட்டு வந்தனர்.
இந்நிலையில், தனிக்கொடி,மனைவி தனலெட்சுமிஉறவினர் பூமாதேவி மூவரும்சேர்ந்து அதிக வட்டிகேட்டு சரஸ்வதியை மிரட்டிவந்தனர்.இது குறித்து சரஸ்வதி திலகர்திடல் போலீசில்புகார் செய்தார்.
போலீசார் வழக்குப் பதிவு செய்து தனிக்கொடி,மனைவி தனலெட்சுமி,உறவினர் பூமாதேவி மூவரையும் கைது செய்தனர்.

Continue Reading

சினிமா..

Follow me on Twitter

Dhinasari News

இந்த ஆண்டும் ‘விடியல்’ இல்லை! முக்கியக் கோவில்களில் பக்தர் தரிசனத்துக்கு தடை!

பழமுதிர்ட்சோலை முருகன் கோயில் ஆகியவற்றில் பக்தர்கள் தரிசனம் செய்ய வரும் 2ஆம் தேதி முதல் 9 ஆம் தேதி வரை தடை விதிக்க முடிவு செய்ய இந்த… [...]

ஜூலை 31: தமிழகத்தில் 1,986 பேருக்கு கொரோனா; 26 பேர் உயிரிழப்பு!

தமிழகத்தில் இன்றைய கொரொனா பாதிப்பு விவரம்... ஜூலை 31: தமிழகத்தில் 1,986 பேருக்கு கொரோனா; 26 பேர் உயிரிழப்பு! முதலில் தினசரி தமிழ் தளத்தில் வெளியான செய்தி. [...]

வலிமை ரிலீஸ்க்கு நெருக்கும் போனி கபூர்!

படத்தில் பணியாற்றும் பலரும் ராப்பகலாக வேலை செய்ய வேண்டிய சூழ்நிலை. வலிமை ரிலீஸ்க்கு நெருக்கும் போனி கபூர்! முதலில் தினசரி தமிழ் தளத்தில் வெளியான செய்தி. [...]

சிறுமியை கிணற்றிலிருந்து மீட்ட 8 வயது சிறுவன்! ஆட்சியர் பாராட்டு!

8 வயது லோஹித், கிணற்றில் குதித்து லித்திகாவை மீட்டு கரைக்கு கொண்டு வந்தார். சிறுமியை கிணற்றிலிருந்து மீட்ட 8 வயது சிறுவன்! ஆட்சியர் பாராட்டு! முதலில் தினசரி… [...]

எல்லோர் முன்பாக காதலியை இழுத்து சென்று ரூம் கதவை அடைத்த காதலன்! உள்ளே கேட்ட சத்தத்தால் அதிர்ந்த நண்பர்கள்!

அறைக்குள் சென்றதும் உள்பக்கமாக பூட்டிக் கொண்டிருக்கிறார். இதனால் மாணவியின் நண்பர்கள் அனைவரும் பதறி அடித்துக் கொண்டு கதவை தட்டியுள்ளனர் எல்லோர் முன்பாக காதலியை இழுத்து சென்று ரூம்… [...]

Follow Us

ஆன்மிகம்…

Trending

Copyright © 2020 Daily Tamil News Developed and Maintained by SSS Media, Chennai TN, IN

%d bloggers like this: