சிவகங்கை மாவட்டத்தில் கிராம சபை கூட்டம்:

அனைத்து கிராம ஊராட்சிகளில், தேசிய அளவில் பஞ்சாயத்துராஜ் தினமான
24-ம் தேதியன்று, கிராமசபைக் கூட்டம்:
மாவட்ட ஆட்சித்தலைவர் :

சிவகங்கை:

சிவகங்கை மாவட்டத்திலுள்ள, அனைத்து ஊராட்சிகளிலும் வரும் 24-ம் தேதி கிராமசபைக் கூட்டம் நடக்கிறது. தேசிய அளவில் பஞ்சாயத்துராஜ் தினம் ஒவ்வொரு ஆண்டும் ஏப்ரல் 24-ம் தேதி கொண்டாடப்பட்டு வருவதைத் தொடர்ந்து, அதன் ஒரு பகுதியாக, 24-ம் தேதி அன்று நீடித்த வளர்ச்சி இலக்குகள் குறித்து கிராமசபைக் கூட்டம் நடத்திட தெரிவிக்கப்பட்டுள்ளது.
அதன்படி, சிவகங்கை மாவட்டத்திலுள்ள அனைத்து கிராம ஊராட்சிகளில், தேசிய அளவில் பஞ்சாயத்துராஜ் தினமான 24-ம் தேதியன்று காலை 11 மணியளவில், கிராமசபைக் கூட்டம் நடத்திடவும், கிராமசபைக் கூட்டத்தில் நீடித்த வளர்ச்சி இலக்குகள் குறித்த 17 கூட்டப் பொருள்கள் மற்றும் 9 இலக்குகள் பற்றி விவாதிக்கவும், கூட்டப்பொருள் தொடர்பாக தீர்மானம் நிறைவேற்றிடவும், உறுதிமொழி எடுத்திடவும், தெரிவிக்கப்பட்டுள்ளது.
மேலும், கிராமசபைக் கூட்டம் தொடர்பான அனைத்து விபரங்களையும் மத்திய அமைச்சகத்தின் இணையதளத்தில் உள்ளீடு செய்யவும், அனைத்து கிராம ஊராட்சிகளிலும் 24-ம் தேதி கிராமசபைக் கூட்டத்தினை நடத்துவதற்கு உரிய ஏற்பாடுகளை செய்திடவும், கிராமசபை நெறிமுறைகளை பின்பற்றவும் அனைத்து வட்டார வளர்ச்சி அலுவலர்களுக்கு (கிராம ஊராட்சிகள்) அறிவுறுத்தப்பட்டுள்ளது என, மாவட்ட ஆட்சித்தலைவர்
ப.மதுசூதன் ரெட்டி, தெரிவித்துள்ளார்.

உங்களது கருத்தைப் பதிவு செய்யுங்கள்...

%d bloggers like this: